ப்ரீமியம்
யேசுவைக் குழந்தையிலேயே கொலை செய்ய தேடிய ஏரோது

இஸ்ரவேல் நாட்டில் உள்ள பெத்லகேமில் யேசு பிறந்த பொழுது, அப்பகுதியை ஏரோது என்னும் அரசன் ஆண்டு வந்தான். அப்போது கிழக்கிலிருந்து ஞானிகள் எருசலேமுக்கு வந்து, “யூதர்களின் அரசராகப் பிறந்திருக்கிறவர் எங்கே? அவரது விண்மீன் எழக் கண்டோம். அவரை வணங்க வந்திருக்கிறோம்“ என்றார்கள்.

ஞானிகள் யேசுவை யூதருடைய ராஜா என்று நினைத்ததால் அவர் ராஜாவின் அரண்மனையில் தான் பிறந்திருப்பார் என்று நினைத்து, அவர்கள் எருசலேமில் இருந்த ராஜ அரண்மனைக்கு வந்து விசாரித்தார்கள். அவர் யூதரின் ராஜா என்று ஞானிகள் சொல்லக் கேட்டதும், தன் பதவிக்கும் குடும்பத்திற்கும் ஆபத்து நேரிடுமோ என்று ஏரோது அரசன் பயந்தான். அவனோடு எருசலேம் முழுவதும் கலங்கிற்று.