கௌதம் மேனனிடம் உதவி இயக்குநராக வாழ்க்கையைத் தொடங்கி, லோகேஷ் கனகராஜ் இயக்குநராக அறிமுகமான ‘மாநகரம்’ படத்தில் நாயகனாக கவனிக்க வைத்தவர் சந்தீப் கிஷன். பின்னர் தெலுங்குப் படவுலகில் முன்னணிக் கதாநாயகர்களில் ஒருவராக உயர்ந்தார். இடையில் ‘மாயவன்’ ஆகத் தமிழில் முகம் காட்டினார். தற்போது ரஞ்சித் ஜெயக்கொடி இயக்கத்தில் வெளியாகும் ‘மைக்கேல்’ படத்தின் மூலம் தமிழில் தனக்கான இடத்தைத் தக்கவைத்துக்கொள்ள முழு நீள ஆக் ஷன் நாயகனாக வந்திருக்கிறார். அவருடன் உரையாடியதிலிருந்து ஒரு பகுதி.

சென்னையில் பிறந்து, வளர்ந்து தெலுங்கு சினிமாவில் அடையாளம் பெற்றிருக்கிறீர்கள். தமிழில் உரிய அடையாளம் கிடைக்கவில்லையே என்கிற வருத்தம் இருக்கிறதா?