‘இந்த ஆண்டின் வார்த்தை என்று ஒரு பிரபல அகராதி ‘Gaslighting’ என்பதைத் தேர்ந்தெடுத்து இருக்கிறது. அந்த வார்த்தை எதைக் குறிக்கிறது?’ என்று கேட்டிருக்கிறார் ஒரு வாசகர். ‘Gas stove’ஐ ஏற்றுவதை அந்தச் சொல் குறிக்கவில்லை என்பது அவருக்குத் தெரிந்திருக்கிறது.

1944இல் வெளியான ஓர் அமெரிக்க திரைப்படம் ‘Gaslight’. அந்தத் திரைப்படத்தில் ஒரு இளம்பெண் தன்னை மனநிலை சரியில்லாதவர் என்று எண்ணத் தொடங்கிவிடுவாள். அதற்குக் காரணம், அவள் கணவன். அவளை விதவிதமாகக் குழப்பி அப்படி நினைக்கச் செய்துவிடுவான்.