ப்ரீமியம்
அனைவருக்கும் விருப்பமான கொய்யா

தலையில் அழகிய கிரீடம், கடிக்கத் தூண்டும் பசுமையான தேகம், அனைவருக்கும் விருப்பமான பழம், விலையோ குறைவு என நமது பெருமைக்குரிய கொய்யாப் பழத்துக்கு முன்னுரை எழுதலாம். நூறு ரூபாய் அளவில் விலை கொடுத்து வாங்கும் பழங்களை விட, பத்து ரூபாய்க்கும் குறைவான விலையில் கிடைக்கும் கொய்யா தரத்திலும் ஊட்டத்திலும் சிறந்தது. குறிப்பாக நாட்டுக் கொய்யா அத்தனை உசத்தி!

அந்தக் காலத்தில் பெரும்பாலான அரசுப் பள்ளி மாணவர்களின் காலை உணவாகப் பள்ளி வாசலில் கிடைக்கும் கொய்யாப் பழமே இருந்தது. பள்ளிகளுக்கு அருகில் கொய்யாப் பழத்தைப் பதமாக வெட்டி, உப்பும் மிளகாய்த் தூளும் திணித்துப் பரிவுடன் மலிவான விலையில் வழங்கக்கூடிய அன்பான பாட்டிகளை இப்போது காண முடிவதில்லை.