ப்ரீமியம்
யூடியூப் உலா: இளம் பெண்ணின் காமெடி தர்பார்!

தமிழில் ஒரே ஒரு நபர் மட்டுமே எழுதி, நடித்து, ஒளிப்பதிவு செய்து, பக்காவாகப் படத்தொகுப்பு முடித்து யூடியூப்பில் பதிவேற்றம் செய்யும் காமெடி ஸ்கெட்ச் அலைவரிசைகள் நிறைய பெருகிவிட்டன. ஆனால், இந்தப் பெரும்பாலான அலைவரிசைகள் ஆண்களால் நடத்தப்படுபவைதாம். இதுபோன்ற அலைவரிசைகளில் சில சமயம் சில கதாபாத்திரங்களாக மட்டுமே பெண்கள் வந்து போவார்கள். ஆனால், இதில்தான் தனித்து உருவாகியிருக்கிறார் சுபலக்‌ஷ்மி.

சுபலக்‌ஷ்மி நடத்தி வரும் ‘தி சீக்கி டி.என்.ஏ.’ (The Cheeky DNA) என்ற அலைவரிசையைப் பார்ப்பவர்களுக்கு சற்று பிரமிப்பு ஏற்படும். இந்த அலைவரிசையில் வெளியாகும் காணொலிகளுக்குத் தேவையான உள்ளடக்கத்தை அவர் எழுதுவதோடு அல்லாமல், அதில் வரும் பல கதாபாத்திரங்களாகவும் அவரே நடிக்கிறார். காணொலியை ஒளிப்பதிவு செய்வது, பின்னர் அதை படத் தொகுப்பு செய்வது என அத்தனை வேலைகளையும் தானே இழுத்துப் போட்டு செய்கிறார். இவருடைய காணொலி உள்ளடக்கம் அனைத்துமே நகைச்சுவை பாணியிலேயே உருவாக்கப்படுகின்றன.