அது ஓர் இனிய மாலைப் பொழுது. சமகால விஞ்ஞானிகள் பெர்லின் பல்கலைக்கழகக் கூட்ட அரங்கினுள் குழுமியிருந்தனர். பல காலம் ஆய்வில் ஈடுபட்டிருந்த அந்த இளம் மருத்துவர் தன் உரையைத் தொடங்கினார். அவருடைய உரை சுமார் 2 மணி நேரம் நீடித்தது. அவரது பேச்சைக் கேட்ட கூட்டத்தி னரிடையே எந்தச் சலசலப்பும் இல்லை, ஆர்பாட்டமுமில்லை, எந்தவொரு தர்க்கமும் இல்லை. ஆழ்ந்த நிசப்தம் நிலவியது.

ஆச்சரியம் மட்டுமே அத்தனை முகங்களையும் அரவணைத்தி ருந்தது. அதற்குக் காரணம் இல்லாமல் இல்லை. 5,000 வருடப் பழமையான புதிருக்கு அந்த மருத்துவர் விடை கண்டிருந்தார். பழமைவாதங்களுக்கும் பல மூட நம்பிக்கை களுக்கும் அறிவியலால் முற்றுப்புள்ளி வைத்திருந்தார். அவர் உலகிற்குக் கூறிய உண்மை - காசநோய் (TB) என்பது மைக்கோ பாக்டீரியம் டியூபர்குளோசிஸ் என்கிற ஒரு வகை நுண்கிருமியால் ஏற்படுகிறது என்பதே.