முறையற்ற தூக்கமானது மாரடைப்பு, பக்கவாதம் ஏற்படுவதற்கான ஆபத்தை அதிகரிப்ப தாகச் சமீபத்திய ஆய்வு கூறுகிறது. ‘ஜர்னல் ஆஃப் எபிடமியாலஜி & கம்யூனிட்டி ஹெல்த்’ (Journal of Epidemiology & Community Health) இதழ் 40 முதல் 79 வயதுக்கு உள்பட்ட 72,000 பேரிடம் அன்றாட உறக்க முறை குறித்த பரிசோதனையில் ஈடுபட்டது.

அந்த ஆய்வின் முடிவில், ‘தினமும் 8 மணி நேரத் தூக்கத்தை ஒருவர் பெற்றாலும் உறங்கும் நேரமும் எழுந்திருக்கும் நேரமும் ஒவ்வொரு நாளும் மாறுபட்டால் அந்தத் தூக்கம் முறையற்றதாகக் கருதப்படுகிறது. இம்மாதிரியான உறக்கம் உடல்நலனைப் பாதித்து மாரடைப்பு, பக்கவாதம், இதயச் செயலிழப்பு போன்றவை ஏற்படுவதற்குக் காரணமாக அமைகிறது’ எனத் தெரிவிக்கப்பட்டுள்ளது.