ப்ரீமியம்
திண்ணைப் பேச்சு 33: எறும்புகள் முணுமுணுப்பதைக் கேட்டிருக்கிறீர்களா?

முன்பெல்லாம் வீடுகளில் பெண்கள் ஏதேனும் முணுமுணுத்தபடி வளையவருவார்கள். சில நேரம் அது அவர்களுக்குப் பிடித்த ராகமாக இருக்கும். அபூர்வமான பழைய பாடல்களின் ராகங்கள் வாய் முணுமுணுத்தலாக வீட்டுக்குள் அங்குமிங்கும் அலையும். ராகங்கள்தாம் என்றில்லை. வாய்விட்டுச் சொல்ல முடியாத சோகங்களையும் சத்தமாக வெளிப்படுத்த முடியாத கோபதாபங்களையும் சன்னமான குரலில் சொல்லிச் செல்வார்கள். அதுபோன்ற சந்தர்ப்பத்தில் ‘அங்கே என்ன முணுமுணுப்பு?’ என்று ஆண்கள் கேட்பதுண்டு. அப்படி ஒரு தலைமுறை இருந்தது. ‘முணுமுணுத்த சாப்பாட்டைவிட, முரமுரத்த பட்டினி மேல்’ என்பது பழமொழி.