ப்ரீமியம்
மோனிஷா: மனம் கவர்ந்த ‘கோமாளி’!

சின்னத்திரை நிகழ்ச்சி ஒன்றில் பங்கேற்றுத் தனது நகைச்சுவையான பேச்சு, செய்கைகளால் எல்லோர் வீட்டு வரவேற்பறையையும் சென்று சேர்ந்தவர் மோனிஷா பிளசி. ‘மாவீரன்’ படத்தில் சிவகார்த்திகேயனின் தங்கையாக வெள்ளித்திரையிலும் அறிமுகமாகி புதிய இன்னிங்ஸைத் தொடங்கியிருக்கிறார். பக்கத்து வீட்டுப் பெண் போன்ற முகச் சாயல், எந்தக் கதாபாத்திரத்தை ஏற்றாலும் அதில் பொருந்தி நடிக்கும் திறமை எனக் கலக்கிவரும் இவரைப் பொழுதுபோக்குத் துறை வாரி அணைத்துக்கொண்டிருக்கிறது.

சின்னத்திரை அறிமுகம்: சென்னையில் பிறந்து வளர்ந்தவர் மோனிஷா பிளசி. பள்ளிப் படிப்பின்போதே சின்னத்திரையில் காலடியை எடுத்து வைத்துவிட்டார். நகைச்சுவை சேனல் ஒன்றில் ‘ஒரு நாள் வி.ஜே’வாகக் களம் காணத் தொடங்கியவர், தொடர்ந்து பல நிகழ்ச்சிகளில் பங்கேற்கும் வாய்ப்பைப் பெற்றார்.