நாளுக்கு நாள் வெயிலின் தாக்கம் அதிகரித்து வருகிறது. அதிகரிக்கும் வெயிலால் மனிதர்கள் மட்டுமல்ல பொருளாதாரமும் பாதிக்கிறது. வாட்டி வதைத்து வந்த கத்தரி வெயில் ஒரு வழியாக விடைபெற்றுச் சென்றிருந்தாலும் இன்னமும் பல இடங்களில் ஒரு வார காலத்துக்கு இயல்பை விட வெயில் அதிகமாக இருக்கும் என்று வானிலை ஆய்வு மையம் கூறியுள்ளது.

கோடை காலத்தில் நிலவும் இயல்பான வெப்பத்தைவிட அதிகமான வெப்பம் நிலவுவது வெப்ப அலை என வரையறுக்கப்படுகிறது. வழக்கமாக இது இரண்டு அல்லது மூன்று நாட்களுக்கு நீடிக்கும். பொதுவாக இந்தியாவில் மார்ச் - ஜூன் மாதங்களில் வெப்ப அலை உணரப்படும்.