IPL 2023 | புள்ளி பட்டியலில் சென்னை சூப்பர் கிங்ஸ் முதலிடம்

ஐபிஎல் 16வது சீசன் பரபரப்பாக நடந்துவருகிறது. நேற்று இரண்டு ஆட்டங்கள் நடந்தன. முதல் ஆட்டத்தில் ராஜஸ்தான் அணியை 7 ரன்களில் வீழ்த்தியது. இரண்டாவது ஆட்டத்தில் கொல்கத்தா அணியை 49 ரன்களில் வீழ்த்தி அபார வெற்றி பெற்றது சென்னை சூப்பர் கிங்ஸ்.

நடப்பு தொடரில் சிஎஸ்கே பெறும் 5வது வெற்றி இதுவாகும். இதன்மூலம் புள்ளிப் பட்டியலில் சென்னை அணி முதலிடம் பிடித்துள்ளது. 7 ஆட்டங்களில் 5 வெற்றி, 2 தோல்விகளுடன் 10 புள்ளிகள் பெற்று பட்டியலில் முதலிடத்தில் உள்ளது.

அதேநேரம், ராஜஸ்தான் ராயல்ஸ் அணியும், லக்னோ சூப்பர் ஜெயன்ட்ஸ் அணியும் முறையே 7 ஆட்டங்களில் விளையாடி 4 வெற்றி, 3 தோல்விகளுடன் 8 புள்ளிகள் பெற்று பட்டியலில் அடுத்தடுத்த இடங்களில் உள்ளன. எனினும் ரன் ரேட் அடிப்படையில் ராஜஸ்தான் இரண்டாமிடமும், லக்னோ மூன்றாமிடத்திலும் உள்ளன.

குஜராத் டைட்டன்ஸ் அணி 6 ஆட்டங்களில் 4 வெற்றி, 2 தோல்விகளுடன் 5 புள்ளிகள் பெற்று 4-வது இடத்தில் உள்ளது.

இதேபோல், 7 ஆட்டங்களில் விளையாடி 4 வெற்றி, 3 தோல்விகளுடன் 8 புள்ளிகள் பெற்று ஆர்சிபியும், பஞ்சாப் கிங்ஸ் அணியும் அடுத்தடுத்த இடங்களில் உள்ளன.

புள்ளி பட்டியலில் டெல்லி கேபிட்டல்ஸ் அணி கடைசி இடத்தில் உள்ளது. அந்த அணி இதுவரை ஒரேயொரு வெற்றி மட்டுமே பெற்றுள்ளது குறிப்பிடத்தக்கது.