ஆல் இங்கிலாந்து ஓபன் பாட்மிண்டன்: பி.வி.சிந்து தோல்வி

பர்மிங்காம்: ஆல் இங்கிலாந்து ஓபன் பாட்மிண்டன் தொடரில் இந்தியாவின் பி.வி.சிந்து முதல் சுற்றில் தோல்வி அடைந்தார்.

இங்கிலாந்தின் பர்மிங்காமில் நடைபெற்று வரும் இந்தத் தொடரில் மகளிர் ஒற்றையர் பிரிவுமுதல் சுற்றில் 9-ம் நிலை வீராங்கனையான இந்தியாவின் பி.வி.சிந்து, 17-ம் நிலை வீராங்கனையான சீனாவின் ஜாங் ஒய் மானை எதிர்த்து விளையாடினார்.

39 நிமிடங்கள் நடைபெற்ற இந்த ஆட்டத்தில் பி.வி.சிந்து 17-21, 11-21 என்ற நேர் செட்டில் தோல்வி அடைந்து தொடரில் இருந்து வெளியேறினார். மகளிர் இரட்டையர் பிரிவு முதல் சுற்றில் இந்தியாவின் ட்ரீசா ஜாலி, காயத்ரி கோபிசந்த் ஜோடி 21-18,21-14 என்ற நேர் செட்டில் தாய்லாந்தின் ஜோங்கோல்பன் கித்தரகுல், ரவின்டா பிரஜோங் ஜெய் ஜோடியை வீழ்த்தி 2-வது சுற்றுக்கு முன்னேறியது.