டேபிள் டென்னிஸ் போட்டி - கால் இறுதியில் தமிழக அணி தோல்வி

சென்னை: மாநிலங்களுக்கு இடையிலான 84-வது இளையோர் மற்றும் ஜூனியர் தேசிய சாம்பியன்ஷிப் டேபிள் டென்னிஸ் போட்டி சென்னையில் நடைபெற்று வருகிறது.

இதன் 2-வது நாளான நேற்று யு-19 மகளிர் அணிகள் பிரிவு கால் இறுதி சுற்றில் தமிழகம் – கர்நாடகா அணிகள் மோதின. இதில் கர்நாடகா 3-1 என்ற கணக்கில் வெற்றி பெற்றது. முதல் ஆட்டத்தில் கர்நாடகாவின் அனர்கயா மஞ்சுநாத் 8-11, 9-11, 9-11 என்ற கணக்கில் காவ்யாஸ்ரீ பாஸ்கரிடம் தோல்வி அடைந்தார். ஆனால் அடுத்த நடைபெற்ற 3 ஆட்டங்களிலும் கர்நாடக வீராங்கனைகள் வெற்றியை பதிவு செய்தனர்.

மற்ற கால் இறுதி ஆட்டங்களில் மகாராஷ்டிரா, மேற்கு வங்கம், ஹரியாணா அணிகள் வெற்றி பெற்றன.