ஆசிய கோப்பை கிரிக்கெட் | 7 முறைவாகை சூடிய இந்தியா - யார் யார் எத்தனை முறை?

15-வது ஆசிய கோப்பை கிரிக்கெட் தொடர் ஐக்கிய அரபு அமீரகத்தில் இன்று (27-ம் தேதி) தொடங்கி செப்டம்பர் 11-ம் தேதி வரை நடைபெறுகிறது. வரும் அக்டோபர் மாதம் ஆஸ்திரேலியாவில் டி 20 உலகக் கோப்பை கிரிக்கெட் தொடர் நடைபெறுவதை கருத்தில் கொண்டு இம்முறை ஆசிய கோப்பை கிரிக்கெட் தொடர் டி 20 வடிவில் நடத்தப்படுகிறது.

7 முறைவாகை சூடிய இந்தியா

* ஆசிய கோப்பையை இந்தியா 7 முறை வென்றுள்ளது (1984, 1988, 1990-91, 1995, 2010, 2016, 2018). இதுதவிர 1997, 2004 மற்றும் 2008-ம் ஆண்டில் இந்தியா 2-வது இடம் பிடித்தது. இந்த 3 முறையும் இந்திய அணி இறுதிப் போட்டியில் இலங்கையிடம் வீழ்ந்திருந்தது.

* இலங்கை 5 முறை கோப்பையை வென்றுள்ளது (1986, 1997, 2004, 2008, 2014).

* பாகிஸ்தான் 2 முறை கோப்பையை வென்றுள்ளது (2000, 2012).