IPL Auction 2022 | தமிழக வீரர் ஷாருக்கானுக்கு அடித்த லக்.. இளம் வீரர்களுக்கு கோடிகளை கொட்டிய அணிகள் | முழுப் பட்டியல்

பெங்களூரு: 2022 ஐபிஎல் மெகா ஏலம் பெங்களூருவில் தொடங்கி விறுவிறுப்பாக நடைபெற்று வருகிறது. ஆறாவது சுற்றில் சுழற்பந்துவீச்சாளர்களை வாங்க ஆர்வம் காட்டாத அணி உரிமையாளர்கள் அடுத்து நடந்த ஏலத்தில் இளம் வீரர்களை வாங்குவதில் தீவிரமாக இருந்தனர். தமிழக வீரர் ஷாருக் கான் ரூ.9 கோடிக்கு பஞ்சாப் அணியால் வாங்கப்பட்டார். சர்வதேச போட்டிகளில் ஆடாத வீரர்களில் மிகவும் அதிக விலைக்கு ஏலம் எடுக்கப்பட்ட வீரர் இவர் மட்டுமே.

ஐபிஎல் தொடர்களில் குறைந்த போட்டிகளிலேயே விளையாடியுள்ள 21 வயது வீரர் பிரியம் கார்க் சன்ரைசர்ஸ் ஹைதராபாத் அணியால் அடிப்படை விலையான ரூ.20 லட்சத்துக்கு வாங்கப்பட்டார். கர்நாடக வீரர் அபினவ் சதராங்கனியை வாங்குவதில் போட்டி நிலவியது. ரூ.2.6 கோடிக்கு அவரை குஜராத் டைட்டன்ஸ் அணி வாங்கியது. 18 வயதே ஆன தென்னாப்பிரிக்க வீரர் டெவால்ட் ப்ரீவிஸை மும்பை அணி ரூ.3 கோடி கொடுத்து வாங்கியது. நெல்லூரைச் சேர்ந்த வீரர் அஸ்வின் ஹெப்பார் டெல்லி அணியால் ரூ.20 லட்சத்துக்கு வாங்கப்பட்டார்.

கடந்த சில சீசன்களாக கொல்கத்தா அணிக்காக சிறப்பாக விளையாடிய ராகுல் திரிபாதியை ரூ.8.5 கோடி கொடுத்து ஹைதராபாத் அணி வாங்கியது. இளம் வீரர் ரியான் பராக்கை ரூ.3.8 கோடி கொடுத்து ராஜஸ்தான் அணி தக்கவைத்து கொண்டது. பஞ்சாப் வீரர் அபிஷேக் சர்மா ரூ.6.5 கோடி கொடுத்து ஹைதராபாத் அணியால் வாங்கப்பட்டார். தமிழக வீரர் ஷாருக் கான் ரூ.9 கோடிக்கு பஞ்சாப் அணியால் வாங்கப்பட்டார். சர்வதேச போட்டிகளில் ஆடாத வீரர்களில் மிகவும் அதிக விலைக்கு ஏலம் எடுக்கப்பட்ட வீரர் இவர் மட்டுமே.

அடுத்ததாக ஷிவம் மாவியை கொல்கத்தா அணியே மீண்டும் ரூ.7.25 கோடி கொடுத்து தக்கவைத்தது. கடந்த சீசனில் ராஜஸ்தான் அணியில் இருந்து ஆல் ரவுண்டர் ராகுல் தெவட்டியாவை ரூ.9 கோடி கொடுத்து குஜராத் டைட்டன்ஸ் அணி வாங்கியது. வேகப்பந்து வீச்சாளர் கமலேஷ் நாகர்கோட்டி டெல்லி அணியால் ரூ.1.1 கோடி கொடுத்து வாங்கப்பட்டார். கடந்த சீசனில் மிகவும் மதிப்புமிக்க வீரராக இருந்த ஹர்ப்ரீத் ப்ராரை மீண்டும் பஞ்சாப் அணியே தக்கவைத்தது. ரூ.3.8 கோடிக்கு அவரை ஏலம் எடுத்தது. அதேபோல் ஷாபாஸ் அஹமதுவை ஆர்சிபி அணி ரூ.2.4 கோடிக்கு மீண்டும் தக்கவைத்தது. சர்பராஸ் கான் ரூ.20 லட்சத்துக்கு டெல்லி அணியால் வாங்கப்பட்டார்.

இதில் தமிழகத்தின் ஊட்டியைச் சேர்ந்த ஹரி நிஷாந்த் எந்த அணியாலும் வாங்கப்படவில்லை.

ஐபிஎல் ஏலம் 2022 - இதுவரை...

> ஸ்ரேயாஸ் ஐயர் - ரூ.12.25 கோடி (கொல்கத்தா)
> ட்ரென்ட் பவுல்ட் - ரூ.8 கோடி (ராஜஸ்தான்)
> ஷிகர் தவானை ரூ.8.25 கோடி (பஞ்சாப்)
> அஸ்வின் ரூ.5 கோடி (ராஜஸ்தான்)
> ரபாடாவை ரூ.9.25 கோடி (பஞ்சாப் )
> முகமது ஷமி - ரூ.6 கோடி (​குஜராத்)
> டி காக் - ரூ.6.75 கோடி (லக்னோ)
> டு ப்ளேசிஸ் - ரூ.7 கோடி (பெங்களூரு)
> டேவிட் வார்னர் - ரூ.6.25 கோடி (டெல்லி)
> மணிஷ் பாண்டே - ரூ.4.60 கோடி (லக்னோ)
> ஷிம்ரோன் ஹெட்மெய்ர் - ரூ.8.50 கோடி (டெல்லி)
> ராபின் உத்தப்பா - ரூ.2 கோடி (சென்னை)
> ஜேசன் ராய் - ரூ.2 கோடி (குஜராத்)
> தேவ்தூத் படிக்கல் - ரூ.7.75 கோடி (ராஜஸ்தான்)
> ப்ராவோ - ரூ.4.40 கோடி (சென்னை)
> நிதிஷ் ரானா - ரூ.8 கோடி (கொல்கத்தா)
> ஜேசன் ஹோல்டர் - ரூ.8.75 கோடி (லக்னோ)
> ஹர்ஷால் படேல் - ரூ.10.75 கோடி (பெங்களூரு)
> வனிந்து ஹசரங்கா - ரூ.10.75 கோடி (பெங்களூரு)
> வாஷிங்டன் சுந்தர் - ரூ.8.75 கோடி (ஹைதராபாத்)
> குர்னால் பாண்டியா - ரூ.8.25 கோடி (லக்னோ)
> இஷான் கிஷன் - ரூ.15.25 கோடி (மும்பை)
> நிகோலஸ் பூரன் - ரூ.10.75 கோடி (ஹைதராபாத்)
> வாஷிங்டன் சுந்தர் - ரூ.8.75 கோடி (ஹைதராபாத்)
> குர்னால் பாண்டியா - ரூ.8.25 கோடி (லக்னோ)
> அம்பத்தி ராயுடு - ரூ.6.75 கோடி (சென்னை)
> மிட்சல் மார்ஷ் - ரூ.6.5 கோடி (டெல்லி)
> ஜானி பேர்ஸ்டோவ் - ரூ.6.75 கோடி (பஞ்சாப்)
> தினேஷ் கார்த்திக் - ரூ.5.50 கோடி (பெங்களூரு)
> நடராஜன் - ரூ.4 கோடி (ஹைதராபாத்)
> தீபக் சஹார் - ரூ.14 கோடி (சென்னை)
> பிரசித் கிருஷ்ணா - ரூ.10 கோடி (ராஜஸ்தான்)
> லாக்கி பெர்குசன் - ரூ.10 கோடி (குஜராத்)
> ஜாஷ் ஹேசில்வுட் - ரூ.7.75 கோடி (பெங்களூரு)
> மார்க்வுட் - ரூ.7.5 கோடி (லக்னோ)
> புவனேஷ்வர் குமார் - ரூ.4.2 கோடி (ஹைதராபாத்)
> ஷர்துல் தாகூர் - ரூ.10.75 கோடி (டெல்லி)
> முஸ்தபிஸுர் ரஹ்மான் - ரூ.2 கோடி (டெல்லி)
> குல்தீப் யாதவ் - ரூ.2 கோடி (டெல்லி)
> ராகுல் சஹார் - ரூ.5.25 கோடி (பஞ்சாப்)
> சஹால் - 6.5 கோடி (ராஜஸ்தான்)

2022 ஏலம் தொடங்குவதற்கு முன்பு ஐபிஎல் அணிகள் வசமிருந்த ஏல இருப்புத் தொகை விவரம்:

> பஞ்சாப் கிங்ஸ் (PBKS): ரூ.72 கோடி
> சன்ரைஸர் ஹைதராபாத் (SRH): ரூ.68 கோடி
> ராஜஸ்தான் ராயல்ஸ் (RR): ரூ.62 கோடி
> லக்னோ சூப்பர் ஜெயன்ட்ஸ் (LSG): ரூ.59 கோடி
> ராயல் சேலஞ்சர்ஸ் பெங்களூரு (RCB): ரூ.57 கோடி
> குஜராத் டைட்டன்ஸ்:ரூ.52 கோடி
> சென்னை சூப்பர் கிங்ஸ் (CSK): ரூ.48 கோடி
> கொல்த்தா நைட் ரைடர்ஸ் (KKR):ரூ.48 கோடி
> மும்பை இந்தியன்ஸ் (MI):ரூ.48 கோடி
> டெல்லி கேப்பிடல்ஸ் (DC): ரூ.47.5 கோடி