காயம் அடைந்த சீன் அபோட்டுக்கு பதிலாக ஆஸி. அணியில் டி' ஆர்சி ஷார்ட்

ஆஸ்திரேலிய அணி ஜனவரி மாதம் 2-வது வார தொடக்கத்தில் இந்தியாவில் சுற்றுப்பயணம் செய்து 3 ஒருநாள் கிரிக்கெட் போட்டிகளில் விளையாட உள்ளது. இதன் முதல் ஆட்டம் 14-ம்தேதி மும்பையில் நடைபெறுகிறது.

இந்த தொடருக்கான 14 பேர்கொண்ட ஆஸ்திரேலிய அணிஏற்கெனவே அறிவிக்கப்பட்டிருந் தது. இதில் இடம் பெற்றிருந்த வேகப்பந்து வீச்சாளரான சீன் அபோட், பிக்பாஷ் டி 20 தொடரின் போது காயம் அடைந்தார். இதையடுத்து இந்தியாவுக்கு எதிரான தொடரில் இருந்து சீன் அபோட் விலகியுள்ளார்.

இதையடுத்து அவருக்கு பதிலாக தொடக்க வீரரும் ஆல்ரவுண்டருமான டி'ஆர்சி ஷார்ட் ஆஸ்திரேலிய அணியில் சேர்க்கப்பட்டுள்ளார். வேகப்பந்து வீச்சாளர்களாக ஏற்கெனவே அணியில் பாட்கம்மின்ஸ், ஜோஸ் ஹசல்வுட், மிட்செல் ஸ்டார்க், கேன் ரிச்சர்ட்சன்ஆகியோர் இடம் பெற்றுள்ளதால் டாப் ஆர்டர் பேட்ஸ்மேனும், ரிஸ்ட்ஸ்பின் வீசக்கூடிய டி'ஆர்சி ஷார்ட்டை தேர்வுக் குழுவினர் தேர்வு செய்துள்ளனர்.