அரையிறுதியில் சீன வீராங்கனையிடம் வீழ்ந்தார் சாய்னா

மலேசியா ஓபன் சூப்பர் தொடர் பேட்மிண்டன் அரையிறுதியில் சாய்னா நெவால் தோல்வி அடைந்து வெளியேறினார்.

சுமார் ஒரு மணி நேரம் 8 நிமிடங்கள் நடைபெற்ற இந்த சவால் நிறைந்த போட்டியில் சீன வீராங்கனை லி ஸ்யுருய் 13-21, 21-17, 22-20 என்ற செட்களில் சாய்னாவை வீழ்த்தி இறுதிப் போட்டிக்கு முன்னேறினார்.

இந்த வெற்றியுடன் சாய்னாவை 11 சந்திப்புகளில் 9-வது முறையாக வீழ்த்துகிறார் ஸ்யுருய்.

சாய்னாவின் தோல்வியினால் மலேசியா ஓபன் தொடரில் இந்தியச் சவால் நிறைவு பெற்றது.