இதுவரை 42 போட்டிகளில் 35 சதங்கள்

இந்த உலகக் கோப்பை கிரிக்கெட்டில் இதுவரை நடை பெற்ற 42 லீக் போட்டிகளில் 35 சதங்கள் விளாசப்பட்டுள்ளன. இதுவே உலகக் கோப்பை போட்டி ஒன்றில் எடுக்கப் பட்டுள்ள அதிகபட்ச சதமாகும்.

இதற்கு முன்பு கடந்த 2011-ம் ஆண்டு உலகக் கோப்பையில் 24 சதங்கள் விளாசப்பட்டதே சாதனையாக இருந்தது. அந்த போட்டி முழுவதும் பேட்ஸ்மேன் களுக்கு சாதகமான ஆடுகளங்கள் உள்ள இந்தியா, இலங்கை, வங்கதேசத்தில் நடைபெற்றது.

மிகக்குறைவான சதம் கொண்ட போட்டியாக 1979-ல் நடைபெற்ற 2-வது உலகக் கோப்பை போட்டி அமைந்தது. பந்து வீச்சாளர்கள் ஆதிக்கம் மிகுந்த அந்த போட்டி யில் 2 சதங்கள் மட்டுமே எடுக்கப் பட்டன. இதுவரை இலங்கை யின் குமார் சங்ககாரா மட்டும் 4 சதங்கள் அடித்துள்ளார்.

அவை தொடர்ந்து 4 போட்டி களில் எடுக்கப்பட்டவை. ஒரு நாள் போட்டியில் ஒரு பேட்ஸ்மேன் தொடர்ந்து 4 சதம் அடித்துள்ளது இதுவே முதல்முறை.

இந்திய தொடக்க வீரர் ஷீகர் தவண், இலங்கையின் திலகரத்னே தில்ஷான், ஜிம்பாப்வே அணியின் பிரெண்டன் டெய்லர், வங்கதேச பேட்ஸ்மேன் முகமதுல்லா ஆகி யோர் இரு சதங்கள் அடித்துள்ள னர்.