இந்திய அணி அரையிறுதிக்கு முன்னேறாது: மைக் ஹஸ்ஸி

தற்போதைய இந்திய அணியை வெகுவாக மைக் ஹஸ்ஸி பாராட்டினாலும், உலகக்கோப்பையில் அரையிறுதிக்கு இந்திய அணி தகுதி பெறாது என்று கூறியுள்ளார்.

"இந்திய அணி சுவாரசியம் ஏற்படுத்தக் கூடிய அணி என்பதில் சந்தேகமில்லை. இந்த தொடரில் அவர்கள் ஆட்டத்தைப் பார்த்து மகிழ்ந்தேன். நல்ல திறமை பளிச்சிட்டது, வரும் காலங்களில் அந்த அணியை வீழ்த்துவது கடினம் என்று தோன்றியது.

என்னுடைய அரையிறுதி அணிகள், ஆஸ்திரேலியா, நியூசிலாந்து, தென் ஆப்பிரிக்கா, இலங்கை.” என்று தனது தெரிவை அவர் கூறியுள்ளார்.

மேலும் அவர் கூறுகையில், இந்திய அணி தங்களது உத்திகளில் பெரிய மாற்றங்கள் செய்யத் தேவையில்லை. மனத்தெளிவுடன், இயல்பாக ஆடுவது சிறந்தது. என்றார்.

டெஸ்ட் தொடரில் முரளி விஜய், அஜிங்கியா ரஹனே ஆகியோரது பேட்டிங் தனக்கு மிகவும் பிடித்திருந்ததாக அவர் கூறினார்.