யூனிஸ் கானுக்கு தலைவலி ஏற்படுத்திய போலி ட்விட்டர்

உலகக் கோப்பை கிரிக்கெட் போட்டியில் பாகிஸ்தான் தொடர்ச்சியாக இரு ஆட்டங்களில் படுதோல்வி கண்டுள்ள நிலையில், அந்த அணியின் மூத்த வீரரான யூனிஸ்கான் ஓய்வு பெற வேண்டும் என முன்னாள் பாகிஸ்தான் வீரர்கள் வலியுறுத்தி வருகின்றனர்.

இந்த நிலையில் யூனிஸ்கான் பெயரில் போலி ட்விட்டர் கணக்கைத் தொடங்கி அதன்மூலம் உலகக் கோப்பையோடு ஒருநாள் கிரிக்கெட்டிலிருந்து அவர் ஓய்வு பெறுவதாக வதந்தி பரப்பப்பட்டது பெரும் பிரச்சினையை கிளப்பியுள்ளது.

இதையடுத்து உடனடியாக அந்த செய்தியை மறுத்துள்ள யூனிஸ்கான், “எனக்கு ட்விட்டர் கணக்கு எதுவும் இல்லை. எனது ஓய்வு தொடர்பாக வந்த செய்திகள் போலி ட்விட்டர் கணக்கிலிருந்து வந்துள்ளன” என குறிப்பிட்டுள்ளார்.