ஐஎஸ்எல்: மும்பை வெற்றி

மும்பையில் நேற்று நடைபெற்ற இந்தியன் சூப்பர் லீக் (ஐஎஸ்எல்) கால்பந்து போட்டியில் மும்பை சிட்டி அணி 1-0 என்ற கோல் கணக்கில் டெல்லி டைனமோஸ் அணியைத் தோற்கடித்தது.

மும்பையில் நேற்று நடை பெற்ற இந்த ஆட்டத்தின் முதல் பாதி ஆட்டத்தில் கோல் எதுவும் விழவில்லை. பின்னர் நடை பெற்ற 2-வது பாதி ஆட்டத்தின் 59-வது நிமிடத்தில் அற்புதமாக பந்தை முன்னோக்கி கடத்திய சுபாஷ், அதை அனெல்காவை நோக்கி கிராஸ் செய்தார். அதை சரியாகப் பயன்படுத்தி கோலடித்தார் அனெல்கா.

இந்த ஆட்டத்தில் வெற்றி கண்டதன் மூலம் 9 புள்ளிகளுடன் புள்ளிகள் பட்டியலில் 3-வது இடத்துக்கு முன்னேறியது மும்பை. கொச்சியில் இன்று இரவு 7 மணிக்கு நடைபெறும் ஆட்டத்தில் கேரளா பிளாஸ்டர்ஸ் அணியும், கோவா எப்.சி. அணியும் மோதுகின்றன.