2-வது சுற்றில் ராம்குமார்

சின்சினாட்டி ஓபனில் இந்தியாவின் ராம்குமார் ராமநாதன் 2-வது சுற்றுக்கு முன்னேறினார்.

அமெரிக்காவின் சின்சினாட்டி நகரில் நடைபெற்று வரும் இந்த தொடரில் ஆடவர் ஒற்றையர் பிரிவு முதல் சுற்றில் இந்தியாவின் ராம்குமார் ராமநாதன், அமெரிக்காவின் கிறிஸ்டோபரை எதிர்த்து விளையாடினார். இதில் முதல் செட்டை 6-7 என ராம்குமார் இழந்தார். எனினும் அடுத்த இரு செட்களிலும் சிறந்த திறனை வெளிப்படுத்தி 6-1,6-4 என தன்வசப்படுத்தினார். முடிவில் ஒரு மணி நேரம் 48 நிமிடங்கள் நடைபெற்ற ஆட்டத்தில் 6-7, 6-1,6-4 என்ற செட் கணக்கில் ராம்குமார் வெற்றி பெற்று 2-வது சுற்றுக்கு முன்னேறினார். ராம்குமார் தனது 2-வது சுற்றில் ஸ்பெயினின் ராபர்டோ பவுதிஸ்டா அகுட் அல்லது அமெரிக்காவின் டெனால்டுசனை எதிர்கொள்ள உள்ளார். இந்த தொடரில் பிரான்ஸ் வீரர் மோன்பில்ஸ் கடைசி நேரத்தில் விலகினார். இதனாலேயே ராம்குமாருக்கு இந்த தொடரில் விளையாடும் வாய்ப்பு கிடைத்ததுள்ளது.