ஐஎஸ்எல்: கேரளா வெற்றி

டெல்லியில் நேற்று நடைபெற்ற இந்தியன் சூப்பர் லீக் (ஐஎஸ்எல்) கால்பந்து போட்டியில் கேரளா பிளாஸ்டர்ஸ் அணி 1-0 என்ற கோல் கணக்கில் டெல்லி டைனமோஸ் அணியைத் தோற்கடித்தது.

விறுவிறுப்பாக நடைபெற்ற இந்த ஆட்டத்தின் முதல் பாதியில் கோல் எதுவும் விழாத நிலையில் 2-வது பாதி ஆட்டத்தின் 61-வது நிமிடத்தில் ஆர்ஜி கோலடிக்க, கேரளா 1-0 என்ற கோல் கணக்கில் முன்னிலை பெற்றது.

இதன்பிறகு பின்னடைவிலிருந்து மீள்வதற்கு டெல்லி அணி போராடினாலும், கடைசி வரை அது நடக்கவில்லை. மும்பையில் இன்று நடைபெறும் ஆட்டத்தில் மும்பை சிட்டி அணியும், கோவா எப்.சி. அணியும் மோதுகின்றன.