‘உலகக் கோப்பையை இந்தியா வெல்லும்’: சச்சின் நம்பிக்கை

2015 உலகக் கோப்பையை வெல்ல இந்தியாவுக்கு நல்ல வாய்ப்புள்ளதாக மாஸ்டர் பேட்ஸ்மேன் சச்சின் டெண்டுல்கர் நம்பிக்கை தெரிவித்துள்ளார்.

உலகக் கோப்பை கிரிக்கெட் போட்டி அடுத்த ஆண்டு பிப்ரவரி மற்றும் மார்ச் மாதங்களில் ஆஸ்திரேலியா மற்றும் நியூஸிலாந்தில் நடைபெற வுள்ளது. இந்த நிலையில் சச்சினின் சுயசரிதை புத்தகம் லண்டன் லார்ட்ஸ் மைதானத்தில் நேற்று முன்தினம் வெளியிடப்பட்டது.

அப்போது உலகக் கோப் பையை வெல்லும் வாய்ப் புள்ள அணிகள் குறித்து சச்சினிடம் கேட்டபோது, “இந்தியா உலகக் கோப்பையை வென்று அனைவருக்கும் ஆச்சர்ய மளிக்கும் என நினைக்கிறேன். சுழற் பந்து வீச்சாளர்கள் ஆதிக்கம் செலுத்துவார்கள் என நம்புகி றேன். ஆஸ்திரேலியா மற்றும் நியூஸிலாந்து மைதானங்கள் வேகப்பந்து வீச்சாளர்களுக்கு சாதகமாக இருக்கும் என எல்லோரும் பேசிக்கொண்டி ருக்கிறார்கள்.

ஆனால் மைதா னங்கள் அனைத்தும் பெரியதாக இருப்பதால் சுழற்பந்து வீச்சாளர்கள் முக்கியப் பங்கு வகிப்பார்கள் என நான் நம்புகி றேன்.

ஆஸ்திரேலியா, தென் ஆப்பிரிக்கா, நியூஸிலாந்து, இந்தியா ஆகிய 4 அணிகளும் அரையிறுதிக்கு முன்னேறலாம். எனினும் இந்தியாவைத் தவிர எஞ்சிய 3 அணிகளையும் துல்லியமாக கணிக்க முடியவில்லை’’ என்றார்.

இங்கிலாந்து அணிக்கு அரையிறுதி வாய்ப்புள்ளதா என கேட்டபோது, “கிரிக்கெட்டில் எது வேண்டுமானாலும் நடக்கலாம். ஆனால் இங்கிலாந்து அணியின் தற்போதைய பார்மை பார்க்கும் போது, அந்த அணி சவாலான அணியாக இருக்கும் என நினைக்க வில்லை” என்றார்.