ரியோ ஓபன்: அரையிறுதியில் நடால், ஃபெரர்

பிரேசிலின் ரியோ டி ஜெனிரோ நகரில் நடைபெற்று வரும் இந்தப் போட்டியில் வெள்ளிக்கிழமை நடைபெற்ற காலிறுதியில் உலகின் முதல் நிலை வீரரான ரஃபேல் நடால் 6-1, 6-0 என்ற நேர் செட்களில் போர்ச்சுக்கலின் ஜோ சௌசாவைத் தோற்கடித்தார்.

முதுகுப் பகுதியில் ஏற்பட்ட பிரச்சினை காரணமாக ஆஸ்திரேலிய ஓபனில் பட்டம் வெல்லும் வாய்ப்பை இழந்த நடால், அரையிறுதியில் சகநாட்ட வரான பாப்லோ அன்டுஜாரை சந்திக்கிறார். பாப்லோ தனது காலிறுதியில் 6-1, 6-1 என்ற நேர் செட்களில் சகநாட்டவரான டாமி ராபர்ட்டோவை தோற்கடித்தார்.

மற்றொரு அரையிறுதியில் போட்டித் தரவரிசையில் 2-வது இடத்தில் உள்ளவரான ஸ்பெயினின் டேவிட் ஃபெரரும் உக்ரைனின் அலெக்சாண்டர் டோல்கோபோலோவும் மோது

கின்றனர். ஃபெரர் தனது காலிறுதியில் 4-6, 6-3, 6-3 என்ற செட் கணக்கில் பிரேசிலின் தாமஸ் பெலூச்சியைத் தோற்கடித்தார். டோல்கோபோலோவ் தனது காலிறுதியில் 6-1, 6-1 என்ற நேர் செட்களில் இத்தாலியின் ஃபாபியோ ஃபாக்னினியை வீழ்த்தி அரையிறுதியை உறுதி செய்தார். 21 ஏடிபி பட்டங்களை வென்றவரான டேவிட் ஃபெரரும் போட்டித் தரவரிசையில் முதலிடத்தில் உள்ள நடாலும் இறுதிச்சுற்றில் மோதுவார்கள் என எதிர்பார்க்கப்படுகிறது.