1980 மாஸ்கோ ஒலிம்பிக்: ஹாக்கியில் மீண்டும் தங்கம்

மாஸ்கோவில் 22-வது ஒலிம்பிக் போட்டி 1980-ம் ஆண்டு ஜூலை 19 முதல் ஆகஸ்ட் 3 வரை நடை பெற்றது. ஆப்கானிஸ்தானில் சோவியத் யூனியனின் தலையீட்டைக் கண்டித்து அமெரிக்கா, ஆஸ்திரேலியா, ஜப்பான் உள்ளிட்ட 65 மேற்கத்திய நாடுகள் இந்த ஒலிம்பிக் போட்டியைப் புறக்கணித்தன.

80 நாடுகள் மட்டுமே கலந்து கொண்ட இந்த ஒலிம்பிக்கில் 4,064 வீரர்கள், 1,115 வீராங்கனைகள் என மொத்தம் 5,179 பேர் பங் கேற்றனர். 21 விளையாட்டுகளில் 203 பிரிவுகளில் போட்டிகள் நடத் தப்பட்டன. சோவியத் யூனியன் 80 தங்கம், 69 வெள்ளி, 46 வெண் கலம் என மொத்தம் 195 பதக்கங் களுடன் பதக்கப் பட்டியலில் முதலிடத்தைப் பிடித்தது.

கிழக்கு ஜெர்மனி 47 தங்கம், 37 வெள்ளி, 42 வெண்கலம் என மொத்தம் 126 பதக்கங்களை வென்று 2-வது இடம்பிடித்தது. பல்கேரியா 8 தங்கம், 16 வெள்ளி, 17 வெண்கலம் என மொத்தம் 41 பதக்கங்களுடன் 3-வது இடத்தைப் கைப்பற்றியது.

சோவியத் யூனி யனின் அலெக் சாண்டர் டிட்யாடின் ஜிம்னாஸ்டிக்ஸில் தான் பங்கேற்ற 8 பிரிவுகளிலும் பதக்கம் வென்றார். இதில் மூன்று தங்கப் பதக்கங்களும் அடங் கும். இதன்மூலம், தான் பங்கேற்ற அனைத்துப் பிரிவுகளி லும் பதக்கம் வென்றவர் என்ற சாதனையை அவர் படைத்தார். சிறு தவறுகூட செய்யாமல் பல பிரிவுகளில் மொத்தமுள்ள 10 புள்ளிகளையும் அவர் பெற்றார்.

ஹாக்கியில் தங்கம்

ஹாக்கி போட்டியில் தமிழகத்தைச் சேர்ந்த பாஸ்கரன் தலைமையிலான இந்திய அணி 4-3 என்ற கோல் கணக்கில் ஸ்பெ யினை வீழ்த்தி தங்கம் வென்றது. இதுவே ஒலிம்பிக் ஹாக்கியில் இந்தியா வென்ற கடைசி தங்க மாகும். இந்த ஒலிம்பிக்கில் பெண் களுக்கான ஹாக்கி அறிமுகம் செய்யப்பட்டது. 6 அணிகள் பங் கேற்ற இதில் இந்திய அணியால் 4-வது இடமே பிடிக்க முடிந்தது.

கடைசி நேரத்தில் அழைக்கப் பட்டு கலந்து கொண்ட ஜிம்பாப்வே பெண்கள் அணி லீக் சுற்று முடிவில் 8 புள்ளிகளுடன் முதலிடத்தைப் பிடித்து தங்கப்பதக் கத்தை வசப்படுத்தி யது. இதற்கு முன்பு செயற்கை இழை மைதானத்தில் விளையா டிய அனுபவம் ஜிம்பாப்வே வீராங் கனைகளுக்கு கிடையாது. அப்படிப்பட்ட நிலைமையில் வெற்றி பெற்றது அனைவரையும் ஆச்சரியத்துக்குள்ளாக்கியது.