ஓய்வு பெறுகிறார் மிதாலி ராஜ்

இந்திய மகளிர் கிரிக்கெட் அணி கேப்டன் மிதாலி ராஜ், இலங்கைக்கு எதிரான போட்டித் தொடருடன் ஓய்வு பெற இருக்கிறார். இப்போட்டி ஜனவரி 19 முதல் 28-ம் தேதி வரை விசாகப்பட்டினத்தில் நடைபெறவுள்ளது. 31 வயதாகும் மிதாலி ராஜ், ராஜஸ்தான் மாநிலத்தைச் சேர்ந்தவர். 10 வயது முதலே கிரிக்கெட் விளையாடத் தொடங்கிய அவர், 1999-ல் இந்திய அணியில் முதல்முறையாக இடம் பிடித்தார். முதல் ஆட்டத்திலேயே 114 ரன்கள் எடுத்தார்.

2001-ல் இங்கிலாந்துக்கு எதிராக முதல்முறையாக டெஸ்ட் போட்டியில் களமிறங்கினார். அடுத்த ஆண்டிலேயே தனது 19-வது வயதில் டெஸ்ட் கிரிக்கெட்டில் 214 ரன்கள் எடுத்து அதிபட்ச ரன் எடுத்த வீராங்கனை என்ற சாதனையைப் படைத்தார். மகளிர் கிரிக்கெட் தரவரிசையில் இப்போதும் மிதாலி ராஜ் முதலிடத்தில் உள்ளார்.

2005-ம் ஆண்டு மகளிர் கிரிக்கெட் உலகக் கோப்பை போட்டியில் மிதாலி ராஜ் தலைமையில் இந்திய அணி இறுதிப் போட்டி வரை முன்னேறி, ஆஸ்திரேலியாவிடம் தோல்வியடைந்தது. 2003ம் ஆண்டு அர்ஜூனா விருது அவருக்கு வழங்கப்பட்டது.