இந்தியா 217/7 டிக்ளேர்: மே.இ.தீவுகளுக்கு 87 ஓவர்களில் 346 ரன்கள் வெற்றி இலக்கு

3-வது டெஸ்ட் போட்டியின் கடைசி நாளான இன்று இந்தியா தனது 2-வது இன்னிங்சில் 7 விக்கெட்டுகள் இழப்புக்கு 217 ரன்கள் என்று டிக்ளேர் செய்தது.

இதன் மூலம் மே.இ.தீவுகள் அணி இன்றைய தினம் இன்னமும் 87 ஓவர்களை எதிர்கொண்டு 346 ரன்கள் எடுத்தால் வெற்றி என்று இலக்கு நிர்ணயிக்கப்பட்டுள்ளது.

157/3 என்று தொடங்கிய இந்திய அணி 9 ஓவர்களில் 60 ரன்களை எடுத்து 4 விக்கெட்டுகளை இழந்தது. ரஹானே 78 ரன்கள் எடுத்து நாட் அவுட்டாகத் திகழ்ந்தார்.

ரோஹித் சர்மா தனது 41 ரன்களில் கமின்ஸ் பந்தில் எல்.பி.ஆனார். சஹா 14 ரன்களிலும், ஜடேஜா ஒரு சிக்சருடன் 16 ரன்களிலும் அஸ்வின் 1 ரன்னிலும் ஆட்டமிழந்தனர், அனைத்து விக்கெட்டுகளையும் கமின்ஸ் கைப்பற்றி 6 விக்கெட்டுகளை 48 ரன்களுக்கு வீழ்த்தினார்.

இந்திய அணி 217/7 என்ற நிலையில் டிக்ளேர் செய்தது, தற்போது மேற்கிந்திய அணி தனது இரண்டாவது இன்னிங்ஸ் போராட்டத்தைத் தொடங்கியுள்ளது.