ஸ்விஸ் இன்டோர்ஸ் டென்னிஸ் டெல் போட்ரோவிடம் ஃபெடரர் தோல்வி

ஸ்விஸ் இன்டோர்ஸ் டென்னிஸ் போட்டியில் ஆர்ஜென்டீனா வீரர் மார்டின் டெல் போட்ரோவிடம் ஸ்விட்சர்லாந்தின் ரோஜர் ஃபெடரர் தோல்வியடைந்தார்.

சர்வதேச தரவரிசையில் போட்ரோ 5-வது இடத்திலும், ஃபெடரர் 6-வது இடத்திலும் உள்ளனர்.

ஸ்விட்சர்லாந்தின் பேசல் நகரில் ஞாயிற்றுக்கிழமை நடைபெற்ற இறுதி ஆட்டத்தில் 7-6 (7/3), 2-6, 6-4 என்ற செட் கணக்கில் போட்ரோ வெற்றி பெற்றார். இப்போட்டி 2 மணி 20 நிமிட நேரத்திற்கு நீடித்தது.

இதன் மூலம் தொடர்ந்து 2-வது ஆண்டாக ஸ்விஸ் இன்டோர்ஸ் டென்னிஸ் போட்டியில் ஃபெடரரைத் தோற்கடித்து போட்ரோ சாம்பியன் பட்டம் வென்றார். இப்போட்டியில் ஏற்கெனவே 5 முறை சாம்பியன் பட்டம் வென்றுள்ள ஃபெடரர், இப்போது 6-வது முறையாக பட்டம் வெல்லும் நோக்குடன் களமிறங்கினார். ஆனால் அவரது கனவை போட்ரோ சிதறடித்தார்.

கடைசியாக ஃபெடரருடன் மோதிய 3 ஆட்டங்களிலும் போட்ரோ வென்றுள்ளார். இந்த சீசனில் அவர் வென்றுள்ள 4-வது பட்டம் இது.