ஸ்மித் மீது இத்தனை கோபம் வேண்டாம், மன்னியுங்கள்: ஆஸி. மக்களிடம் மைக்கேல் கிளார்க் வேண்டுகோள்

பந்தைச் சேதப்படுத்தி கிரிக்கெட்டையும் ரசிகர்களையும் ஏமாற்றி அவமானத்துக்கு ஆளாகியிருக்கும் ஸ்டீவ் ஸ்மித்தை மக்கள் மன்னிக்க வேண்டும் என்று முன்னாள் கேப்டன் மைக்கேல் கிளார்க் வேண்டுகோள் விடுத்துள்ளார்.

“நான் ஸ்டீவ் ஸ்மித்துக்காக இரங்குகிறேன். 100 சதவீதம் ஸ்மித்தும் அவரது சகாக்களும் மிகப்பெரிய தவறு செய்துள்ளனர் என்பதில் இருவேறு கருத்தில்லை, அதற்கான விளைவுகளை அவர்கள் அனுபவிக்கப் போகிறார்கள் என்று கருதுகிறேன்

அது நியாயமானதுதான். ஆனால் நாளடைவில் நாம் ஸ்மித்தை மன்னிக்கவும் வேண்டும்.

இன்று காலை நான் கண் விழித்தவுடன் இரண்டு விஷயங்கள் என் மனதில் நின்றன, அதில் ஒன்று ‘இப்படி நிச்சயம் இனி நடக்கக் கூடாது’ என்பது ஒன்று.

கிரிக்கெட் ஆஸ்திரேலியாவின் கவனமும் இதில்தான் இருக்கும் என்று நினைக்கிறேன், இது போன்/ற ஒன்று ஒரு போதும், இனி இந்த கிரேட் கேம் ஆஃப் கிரிக்கெட்டில் நடைபெறக் கூடாது.

கிரிக்கெட் அதற்குரிய தன்மைக்குத் திரும்ப நாம் அனைவரும் நிறைய பணியாற்ற வேண்டியுள்ளது. இதை ஒரு கெட்ட கனவாக நினைத்து மறப்போம் மன்னிப்போம்.”