கால்பந்து: சென்னை சிட்டி எஃப்சி- மிசோரம் அணிகள் இன்று மோதல்

கோவையில் இன்று நடைபெற உள்ள `ஹீரோ ஐ லீக்` கால்பந்து போட்டித் தொடரில், சென்னை சிட்டி எஃப்.சி. அணியும் (சிசிஎஃப்சி), மிசோரம் ஐஸ்வால் அணியும் மோதுகின்றன.

அகில இந்திய கால்பந்து சம் மேளனம் சார்பில், `ஹீரோ ஐ லீக் 2018-2019` கால்பந்துப் போட்டி, நாட்டின் பல்வேறு நகரங்களில் நடைபெற்று வருகின்றன. இதில் பங்கேற்றுள்ள சென்னை சிட்டி எஃப்.சி. அணி ஏற்கெனவே 12 போட்டிகளில் விளையாடியுள்ளது. இதில், 8 போட்டிகளில் வெற்றி பெற்றுள்ள இந்த அணி, 3 போட்டிகளை டிரா செய்துள்ளது. ஒரு போட்டியில் தோல்வியைத் தழுவியது.

மொத்தம் 27 புள்ளிகளுடன் முதலிடத்தில் உள்ள சென்னை சிட்டி எஃப்.சி. அணி, கோவை நேரு விளையாட்டு மைதானத்தில் இன்று மாலை 5 மணியளவில் நடை பெறும் ஆட்டத்தில் மிசோரம் ஐஸ்வால் அணியுடன் மோதுகிறது.

இதுகுறித்து சிசிஎஃப்சி அணியின் தலைமை பயிற்சியாளர் அக்பர் நவாஸ் செய்தியாளர்களி டம் நேற்று கூறும்போது, `சென்னை அணி தொடர்ந்து வெற்றி பெற்று வருவது மகிழ்ச்சியளிக்கிறது. மிசோரம் ஐஸ்வாஸ் அணி 9-வது இடத்தில் இருந்தாலும், அலட்சியத் துடன் விளையாட முடியாது. எனவே, கவனமாக ஆடி, வெற்றி பெறுவோம்" என்றார்.