ரஹானே, ரிங்கு சிங் அதிரடிக்கு பலன் இல்லாமல் போனது: 4 ரன் வித்தியாசத்தில் போராடி வீழ்ந்தது கொல்கத்தா

​கொல்​கத்தா: ஐபிஎல் டி 20 கிரிக்​கெட் தொடரில் நடப்பு சாம்​பிய​னான கொல்​கத்தா நைட் ரைடர்ஸ் அணி 4 ரன்​கள் வித்​தி​யாசத்​தில் லக்னோ சூப்​பர் ஜெயண்ட்ஸ் அணி​யிடம் போராடி தோல்வி அடைந்​தது. கொல்​கத்தா ஈடன் கார்​டன் மைதானத்​தில் நேற்று பிற்​பகலில் நடை​பெற்ற இந்த ஆட்​டத்​தில் முதலில் பேட் செய்த லக்னோ அணி 20 ஓவர்​களில் 3 விக்​கெட்​கள் இழப்​புக்கு 238 ரன்​கள் குவித்​தது. தொடக்க வீரர்​களான எய்​டன் மார்க்​ரம், மிட்​செல் மார்ஷ் ஜோடி அதிரடி​யாக விளை​யாடியது. எய்​டன் மார்க்​ரம் 28 பந்​துகளில், 2 சிக்​ஸர்​கள், 4 பவுண்​டரி​களு​டன் 47 ரன்​கள் விளாசிய நிலை​யில் ஹர்​ஷித் ராணா பந்​தில் போல்​டா​னார். முதல் விக்​கெட்​டுக்கு எய்​டன் மார்க்​ரம், மிட்​செல் மார்ஷ் ஜோடி 10.4 ஓவர்​களில் 99 ரன்​கள் குவித்​தது.

இதையடுத்து களமிறங்​கிய நிகோலஸ் பூரன், மிட்​செல் மார்​ஷுடன் இணைந்து வாணவேடிக்கை நிகழ்த்​தி​னார். 36 பந்​துகளில், 3 சிக்​ஸர்​கள், 4 பவுண்​டரி​களு​டன் தனது 7-வது அரை சதத்தை விளாசி​னார் மிட்​செல் மார்​ஷ். நடப்பு சீசனில் இது அவரது 4-வது அரைசத​மாக அமைந்​தது. தொடர்ந்து வருண் சக்​ர​வர்த்தி வீசிய 14-வது ஓவரில் மிட்​செல் மார்​ஷ், நிகோலஸ் பூரன் ஆகியோர் தலா ஒரு சிக்​ஸர் பறக்​க​விட்​டனர்.

சுனில் நரேன் வீசிய 15-வது ஓவரில் 2 சிக்​ஸர்​களை விளாசி​னார் நிகோலஸ் பூரன். மறு​முனை​யில் அதிரடி​யாக விளை​யாடி வந்த மிட்​செல் மார்ஷ் 48 பந்​துகளில், 5 சிக்​ஸர்​கள், 6 பவுண்​டரி​களு​டன் 81 ரன்​கள் எடுத்த நிலை​யில் ஆந்த்ரே ரஸ்​ஸல் பந்தை டீப் பாயிண்ட் திசை​யில் விளாசிய போது ரிங் சிங்​கிடம் கேட்ச் ஆனது. 2-வது விக்​கெட்​டுக்கு மிட்​செல் மார்​ஷ், நிகோலஸ் பூரன் ஜோடி 30 பந்​துகளில் 71 ரன்​கள் சேர்த்​தது.

இதன் பின்​னர் அப்​துல் சமத் களமிறங்க ஹர்​ஷித் ராணா வீசிய 17-வது ஓவரில் நிகோலஸ் பூரன் 2 இமாலய சிக்​ஸர்​களை அடித்​தார். இதையடுத்து ஆந்த்ரே ரஸ்​ஸல் வீசிய 18-வது ஓவரில் நிகோலஸ் பூரன் 3 பவுண்​டரி​கள், 2 சிக்​ஸர்​களு​டன் 24 ரன்​களை வேட்​டை​யாடி​னார். மட்​டையை சுழற்​றிய நிகோலஸ் பூரன் 21 பந்​துகளில், 6 சிக்​ஸர்​கள், 2 பவுண்​டரி​களு​டன் அரை சதம் கடந்​தார்.

ஐபிஎல் தொடரில் இது அவரது 12-வது அரை சதமாக அமைந்​தது. நிதான​மாக விளை​யாடி அப்​துல் சமத் 6 ரன்​னில் ஹர்​ஷித் ராணா பந்​தில் நடையை கட்​டி​னார். நிகோலஸ் பூரன் 36 பந்​துகளில், 8 சிக்​ஸர்​கள், 7 பவுண்​டரி​களு​டன் 87 ரன்​கள் விளாசி ஆட்​ட​மிழக்​காமல் இருந்​தார். டேவிட் மில்​லர் 4 பந்​தில் 4 ரன்​கள் சேர்த்​தார்.

கொல்​கத்தா அணி தரப்​பில் ஹர்​சித் ராணா 51 ரன்​களை விட்​டுக்​கொடுத்து 2 விக்​கெட்​கள் கைப்​பற்​றி​னார். 239 ரன்​கள் இலக்​குடன் பேட் செய்த கொல்​கத்தா அணிக்கு சுனில் நரேன் அதிரடி தொடக்​கம் கொடுத்​தார். அதேவேளை​யில் குயிண்​டன் டி காக் 9 பந்​தில் 15 ரன் எடுத்த நிலை​யில் ஆகாஷ்தீப் பந்​தில் எல்​பிடபிள்யூ ஆனார். இதன் பின்​னர் களமிறங்​கிய கேப்​டன் அஜிங்க்ய ரஹானே மட்​டையை சுழற்​றி​னார்.

இதனால் பவர்​பிளே​வில் கொல்​கத்தா அணி 90 ரன்​கள் குவித்​தது. அதிரடி​யாக விளை​யாடிய சுனில் நரேன் 13 பந்​துகளில், 2 சிக்​ஸர்​கள், 4 பவுண்​டரி​களு​டன் 30 ரன்​கள் எடுத்த நிலை​யில் திக்​வேஷ் ராத்தி பந்தை சிக்​ஸருக்கு விளாச முயன்று ஆட்​ட​மிழந்​தார். இதையடுத்து களமிறங்​கிய வெங்​கடேஷ் ஐயர், ரஹானேவுடன் இணைந்து அதிரடி​யாக விளை​யாட கொல்​கத்தா அணி 7.2 ஓவர்​களி​லேயே 100 ரன்​களை எட்​டியது. இதனால் கொல்​கத்தா அணி இலக்கை சிரமம் இல்​லாமல் எட்​டிப்​பிடிக்​கும் என கருதப்​பட்​டது.

அஜிங்க்ய ரஹானே 26 பந்​துகளில், 2 சிக்​ஸர்​கள், 7 பவுண்​டரி​களு​டன் அரை சதம் கடந்​தார். 40 பந்​துகளில் 71 ரன்​கள் சேர்த்த இந்த ஜோடியை ஷர்​துல் தாக்​குர் பிரித்​தார். ரஹானே 35 பந்​துகளில், 2 சிக்​ஸர்​கள், 8 பவுண்​டரி​களு​டன் 61 ரன்​கள் எடுத்த நிலை​யில் ஷர்​துல் தாக்​குர் பந்தில் ஆட்டமிழந்தார்.

இது திருப்பு முனையை ஏற்​படுத்​தி​யது. அப்​போது கொல்​கத்தா அணி 13 ஓவர்​களில் 162 ரன்​கள் எடுத்​திருந்​தது. 7 ஓவர்​களில் வெற்​றிக்கு 77 ரன்​கள் தேவை​யாக இருந்​தது. இதன் பின்​னர் களமிறங்​கிய ரமன்​தீப் சிங் (1), அங்க்​ரிஷ் ரகு​வன்ஷி (5) ரன்​களில் நடையை கட்​டினர். வெங்​கடேஷ் ஐயர் 29 பந்​துகளில், 45 ரன்​கள் எடுத்த நிலை​யில் ஆகாஷ் தீப் பந்​தில் ஆட்​ட​மிழந்​தார்.

கடைசி 4 ஓவர்​களில் வெற்​றிக்கு 54 ரன்​கள் தேவைப்​பட்ட நிலை​யில் ஆந்த்ரே ரஸ்​ஸல் 7 ரன்​களில் ஷர்​துல் தாக்​குல் பந்​தில் நடையை கட்​டி​னார். இதன் பின்​னர் ஹர்​ஷித் ராணாவுடன் இணைந்து ரிங்கு சிங் போராடி​னார். ரவி பிஷ்னோய் வீசிய கடைசி ஓவரில் வெற்​றிக்கு 24 ரன்​கள் தேவை​யாக இருந்​தன.

முதல் பந்தை ஹர்​ஷித் ராணா பவுண்​டரிக்கு விரட்ட அடுத்த பந்தை வீணடித்​தார். 3-வது பந்​தில் ஒரு ரன் சேர்க்​கப்​பட்​டது. இதனால் 3 பந்​துகளில் 19 ரன்​கள் தேவை என நெருக்​கடி அதி​க​மானது. 3 சிக்​ஸர்​களை அடித்​தால் ஆட்​டம் சூப்​பர் ஓவருக்கு செல்​லும் என்ற நிலை​யில் அடுத்​தடுத்து பந்​துகளை பவுண்​டரிக்கு விரட்​டிய ரிங்கு சிங் கடைசி பந்தை சிக்​ஸருக்கு விளாசி​னார்.

ஆனால் அது வெற்​றிக்கு போது​மான​தாக இல்​லை. முடி​வில் கொல்​கத்தா அணி 20 ஓவர்​களில் 7 விக்​கெட்​கள் இழப்​புக்கு 234 ரன்​கள் எடுத்து தோல்வி அடைந்​தது. ரிங்கு சிங் 15 பந்​துகளில், 2 சிக்​ஸர்​கள், 6 பவுண்​டரி​களு​டன் 38 ரன்​களும், ஹர்​ஷித் ராணா 9 பந்​துகளில், 10 ரன்​களும் சேர்த்து ஆட்​ட​மிழக்​காமல் இருந்​தனர். லக்னோ அணி தரப்​பில் ஆகாஷ் தீப், ஷர்​துல் தாக்​குர் ஆகியோர் தலா 2 விக்​கெட்​களை வீழ்த்​தினர். ஆட்ட நாயக​னாக நிகோலஸ் பூரன் தேர்​வா​னார். 4 ரன்​கள் வித்​தி​யாசத்​தில் வெற்றி பெற்ற லக்னோ அணி நடப்பு சீசனில் 3-வது வெற்​றியை பதிவு செய்​தது.