ஐஎஸ்எல் தொடரில் கேரளா - சென்னை இன்று மோதல்

ஐஎஸ்எல் கால்பந்து தொடரில் இன்று இரவு 7.30 மணிக்கு கொச்சியில் உள்ள ஜவஹர்லால் நேரு மைதானத்தில் நடைபெறும் ஆட்டத்தில் கேரளா பிளாஸ்டர்ஸ் எஃப்சி - சென்னையின் எஃப்சி அணிகள் மோதுகின்றன. இரு அணிகளும் இந்த சீசனில் இதுவரை தலா 8 ஆட்டங்களில் விளையாடி உள்ளன. சென்னையின் எஃப்சி அணி 3 வெற்றி, 3 டிரா, 2 தோல்விகளுடன் 12 புள்ளிகள் பெற்று பட்டியலில் 4-வது இடத்தில் உள்ளது. கேரளா பிளாஸ்டர்ஸ் 2 வெற்றி, 2 டிரா, 4 தோல்விகளுடன் 8 புள்ளிகள் பெற்று 10-வது இடத்தில் உள்ளது. அணிகளும் ஐஎஸ்எல் தொடரில் 22 ஆட்டங்களில் மோதியுள்ளன. இதில் கேரளா பிளாஸ்டர்ஸ் எஃப்சி 6 ஆட்டங்களிலும், சென்னையின் எஃப்சி 7 ஆட்டங்களிலும் வெற்றி பெற்றுள்ளன. 9 ஆட்டங்கள் டிராவில் முடிவடைந்துள்ளன.