விராட் கோலியை முந்தினார் பாபர் அஸம்!

ஆஸ்திரேலியாவுக்கு எதிரான 3-வது டி20 போட்டியில் பாகிஸ்தான் அணியின் பேட்ஸ்மேனான பாபர் அஸம் 40 ரன்கள் சேர்த்து ஆட்டமிழந்தார். அவர், 37 ரன்களை கடந்த போது சர்வதேச டி20 போட்டிகளில் அதிக ரன்கள் குவித்த வீரர்களின் பட்டியலில் 2-வது இடத்தில் இருந்த இந்திய அணியின் விராட் கோலியை (4,188) பின்னுக்குத் தள்ளினார்.

30 வயதான பாபர் அஸம் டி20-ல் 119 இன்னிங்ஸில் விளையாடி 4,192 ரன்களை சேர்த்துள்ளார். இந்த வகை சாதனையில் ரோஹித் சர்மா 4,231 ரன்கள் குவித்து முதலிடத்தில் உள்ளார். ரோஹித் சர்மாவின் சாதனையை முறியடிக்க பாபர் அஸமுக்கு இன்னும் 40 ரன்களே தேவையாக உள்ளது.