ஐபிஎல்: டாஸில் ஏற்பட்ட குழப்பம்; சிஎஸ்கே முதலில் பவுலிங்; ஹர்பஜன் நீக்கம்

மும்பையில் நடைபெறும் கிராண்ட் ஐபிஎல் இறுதிப் போட்டியில் குழப்பான டாஸிற்குப் பிறகு தெளிவு ஏற்பட்டு தோனி முதலில் பீல்டிங்கைத் தேர்வு செய்தார்.

டாஸ் போடும் போது காசைத் தோனிதான் சுண்டினார் வில்லியம்சன் டெய்ல்ஸ் என்றார்.

மஞ்சுரேக்கர்: நீங்கள் ஹெட் என்று கூறினீர்கள்

தோனி: இல்லை அவர்தான் டெய்ல்ஸ் என்றார்

மஞ்சுரேக்கர்: ஆம்! நீங்கள்தான் ஹெட்ஸ் என்றீர்கள்

தோனி: இல்லை! அவர்தான் டெய்ல்ஸ் என்றார்.

வழக்கம் போல் முடிவில் தோனி பெரிய புன்னகையுடன் முதலில் பீல்டிங்கைத் தேர்வு செய்தார். சன் ரைசர்ஸ் அணி எல்லா அணிகளையும் விரட்டலில் அடக்கியது, ஆனால் அங்குதான் தோனி நிற்கிறார், டாஸ் வென்று அவர்களை முதலில் பேட் செய்ய அழைத்தார்.

சென்னை அணியில் ஹர்பஜன் சிங்குக்குப் பதில் கரண் சர்மா வந்துள்ளார்.ஹைதராபாத் அணியில் சஹாவுக்கு பதிலாக கோஸ்வாமியும், இடது கை வேகப்பந்து வீச்சாளர் கலீலுக்கு பதில் சந்தீப் சர்மாவும் அழைக்கப்பட்டுள்ளனர்.