வக்கார் யூனிஸை முந்தினார் சிராஜ்!

இலங்கைக்கு எதிரான ஆசியக் கோப்பை இறுதிப் போட்டியில் 21 ரன்களுக்கு 6 விக்கெட்களை வீழ்த்தி ஒருநாள் போட்டிகளில் தனது சிறப்பான பந்துவீச்சை பதிவு செய்தார் முகமது சிராஜ். மேலும் ஆசியக் கோப்பை போட்டியில் வக்கார் யூனிஸின் சிறப்பான பந்துவீச்சையும் (6வி/26) முந்தினார்.

ஒருநாள் போட்டிகளில் சிறப்பான பந்துவீச்சு வரிசையில் முதல் இடத்தில் ஸ்டூவர்ட் பின்னியும் (6வி/4), 2-வது இடத்தில் அனில் கும்ப்ளேவும் (6வி/12), 3-வது இடத்தில் ஜஸ்பிரீத் பும்ராவும் (6வி/19), 4-வது இடத்தில் முகமது சிராஜும் (6வி/21) உள்ளனர். அதுமட்டுமல்லாமல் ஒருநாள் போட்டிகளில் இந்திய அணி வீரர்களின் சிறப்பான பந்துவீச்சு வரிசையில் 4-வது இடத்தையும் சிராஜ் பிடித்துள்ளார். ஒரே ஓவரில் 4 விக்கெட்களை வீழ்த்திய முதல் இந்திய பந்து வீச்சாளர் என்ற பெருமையை
சிராஜ் பெற்றுள்ளார்.

மேலும், ஒருநாள் தொடர்களில் இந்திய அணிக்காக (2002-ம் ஆண்டு முதல்) முதல் 10 ஓவர்களில் அதிக விக்கெட்கள் வீழ்த்திய வேகப்பந்து வீச்சாளர்கள் வரிசையில் சிராஜ் முதலிடத்தில் உள்ளார். முதல் 10 ஓவர்களில் 5 விக்கெட்டை வீழ்த்தியுள்ளார் சிராஜ். இதற்கு அடுத்த இடங்களில் நாத், புவனேஸ்வர், பும்ரா, சிராஜ் ஆகியோர் உள்ளனர். இவர்கள் முதல் 10 ஓவர்களில் 4 விக்கெட்களை வீழ்த்தியிருந்தனர்.

இந்தப் போட்டியில் பந்துவீச்சில் பல சாதனைகளை படைத்துள்ள சிராஜ், இலங்கை அணியை சரிவுக்குள்ளாக்கியதோடு, அணிக்கு கோப்பையையும் பெற்றுத் தந்துள்ளார்.