ஒரு சதம் கிரிக்கெட் வாழ்க்கையை தீர்மானித்து விடாது: மிட்செல் மார்ஷுக்கு டேரன் லீ மேன் மெசேஜ்

ஆஸ்திரேலியா அணிக்குள் வருவதும் போவதுமாக இருந்து வரும் மிட்செல் மார்ஷ், பெர்த்தில் தன் கிரிக்கெட் வாழ்க்கையின் திருப்பு முனை சதத்தை (181) அடித்தார். ஆனால் ஒரு சதம் கிரிக்கெட் வாழ்க்கையை தீர்மானிக்காது என்று ஆஸ்திரேலிய பயிற்சியாளர் டேரன் லீ மேன் அவருக்கு அதிரடியாக ஒரு அறிவுறுத்தலை மேற்கொண்டுள்ளார்.

“ஒரு இன்னிங்ஸ் கிரிக்கெட் வாழ்க்கையை தீர்மானிக்காது. இதே விதமான ஆட்டத்தை அவர் தொடர்ந்து ஆட வேண்டியுள்ளது. உள்ளபடியே கூற வேண்டுமென்றால் இதுதான் நிலைமை.

அடுத்த டெஸ்ட்டிலும் இதே விதமான ஆட்டத்தை அவர் ஆடி தன் இடத்துக்கான நியாயத்தை வலியுறுத்துவது அவசியமாகிறது.

மிட்செல் மார்ஷின் பந்து வீச்சு சற்றே ஏமாற்றமளிக்கிறது. அவரும் இது குறித்து என்னுடன் ஆலோசித்தார்.

அவர் பந்துவீச்சை, பீல்டிங்கை சரி செய்வதும் அவசியம். எனவே பேட்டிங், பவுலிங், பீல்டிங் ஒன்றிணையும் போது அது அபாரமாக இருக்கும்” என்றார் டேரன் லீ மேன்.

மிட்செல் மார்ஷ் இங்கிலாந்தின் முதல் இன்னிங்சில் ஸ்லிப்பில் கையில் வந்த கேட்சை விட்டதும் டேரன் லீ மேன் கவனத்தை ஈர்த்துள்ளது குறிப்பிடத்தக்கது.