டைவிங், வாட்டர் போலோ போட்டிகள் சென்னையில் 18-ம் தேதி தொடக்கம்

சென்னை: தேசிய சப் ஜூனியர் மற்றும் ஜூனியர்களுக்கான டைவிங் மற்றும் வாட்டர் போலோ போட்டிகள் சென்னையில் வரும் 18-ம் தேதி முதல் 22-ம் தேதி வரை நடைபெறுகின்றன.

தமிழ்நாடு மாநில நீச்சல் சங்கம் தேசிய நீச்சல் சம்மேளனத்தின் ஆதரவோடு 39 -வது சப் ஜூனியர் மற்றும்
4 -வது ஜூனியர் தேசிய டைவிங் மற்றும் வாட்டர் போலோ போட்டிகளை நடத்துகிறது. சென்னை வேளச்சேரியில் உள்ள நீச்சல் குள வளாகத்தில் வருகிற 18-ம் தேதி முதல் 22-ம் தேதி வரை இப்போட்டிகள் நடக்கின்றன.

இதில் மகாராஷ்டிரா, கேரளா, கர்நாடகா, குஜராத், தமிழ்நாடு உள்ளிட்ட 20-க்கும் மேற்பட்ட மாநிலங்களில் இருந்து சுமார் 500 வீரர், வீராங்கனைகள் பங்கேற்கிறார்கள். ஜூனியர் தேசிய வாட்டர் போலோ போட்டியில் தேர்வு பெறும் சிறுவர், சிறுமியர் ஜூனியர் ஆசிய வாட்டர் போலோ சாம்பியன்ஷிப் போட்டியில் பங்கேற்பார்கள்.