தொடரை வென்றது இலங்கை அணி

பாகிஸ்தானுக்கு எதிரான 2-வது டெஸ்ட் போட்டியில் 68 ரன்கள் வித்தியாசத்தில் வெற்றி பெற்ற இலங்கை அணி, டெஸ்ட் தொடரை முழுமையாக 2-0 என வென்றது.

துபையில் நடைபெற்ற 2-வது டெஸ்ட்டில் பாகிஸ்தான் அணிக்கு 317 ரன்களை இலக்காக இலங்கை நிர்ணயித்தது. 5 விக்கெட்கள் இழப்புக்கு 198 ரன்கள் என்ற நிலையில் நேற்று கடைசி நாள் ஆட்டத்தை விளையாடிய பாகிஸ்தான் 90.2 ஓவர்களில் 248 ரன்களுக்கு அனைத்து விக்கெட்களையும் இழந்தது. சர்ப்ராஸ் அகமது 68 ஆசாத் ஷபிக் 112 ரன்கள் எடுத்தனர். இலங்கை தரப்பில் திலுருவன் பெரேரா 5 விக்கெட்கள் வீழ்த்தினார். ஐக்கிய அரபு அமீரகத்தில் பாகிஸ்தான் அணி டெஸ்ட் தொடரை இழப்பது இதுவே முதன்முறையாகும்.