தாய்லாந்து ஓபன் 2023: அரை இறுதியில் லக் ஷயா சென்

தாய்லாந்து ஓபன் பாட்மிண்டன் தொடரில் இந்தியாவின் லக் ஷயா சென் அரை இறுதி சுற்றுக்கு முன்னேறினார். தாய்லாந்தின் பாங்காக் நகரில் நடைபெற்று வரும் இந்தத் தொடரில் ஆடவர் ஒற்றையர் பிரிவு கால் இறுதி சுற்றில் 23-ம் நிலை வீரரான இந்தியாவின் லக் ஷயா சென், 65-ம் நிலை வீரரான மலேசியாவின் லியோங் ஜூன் ஹவோவை எதிர்த்து விளையாடினார். 41 நிமிடங்கள் நடைபெற்ற இந்த ஆட்டத்தில் 21-19, 21-11 என்ற நேர் செட்டில் வெற்றி பெற்று அரை இறுதிக்கு முன்னேறினார் லக் ஷயா சென். மற்றொரு கால் இறுதி ஆட்டத்தில் 59-ம் நிலை வீரரான இந்தியாவின் கிரண் ஜார்ஜ் 16-21, 17-21 என்ற நேர் செட் கணக்கில் பிரான்ஸின் டிஜே போபோவ்விடம் தோல்வி அடைந்தார்.