வார ராசிபலன் 11-06-2015 முதல் 17-06-2015 வரை (துலாம் முதல் மீனம் வரை)

துலாம் ராசி வாசகர்களே

உங்கள் ராசிக்கு 6-ல் கேதுவும் 8-ல் புதனும் சஞ்சரிப்பதால் எதிர்ப்புகள் இருக்கும் என்றாலும் அதைச் சமாளிக்கும் சக்தியும் உண்டாகும். ஆன்மிகப் பணியாளர்கள், அறப் பணிகளில் ஈடுபாடு உள்ளவர்கள், ஜோதிடர்கள் ஆகியோருக்கெல்லாம் வரவேற்பு கூடும்.

வியாபாரிகளுக்கு அளவோடு லாபம் கிடைத்துவரும். மாணவர்கள் திறமைக்குரிய வளர்ச்சியைக் காண்பார்கள். 8-ல் சூரியனும் செவ்வாயும் இருப்பதால் தீ, மின்சாரம், ஆயுதங்கள், வெடிபொருட்கள் ஆகியவற்றின் பக்கம் நெருங்கும்போது எச்சரிக்கை தேவை. சிறு விபத்துக்கு ஆளாக நேரலாம். தந்தையாலும், உடன்பிறந்தவர்களாலும் மன அமைதி குறையும். குடும்பத்தில் சிறுசிறு சண்டை, சச்சரவுகள் ஏற்படும். பேச்சில் சூடான வார்த்தைகளை உதிர்க்கலாகாது. 12-ம் தேதி முதல் உழைப்புக்குரிய பயன் கிடைக்கும்.

அதிர்ஷ்டமான தேதிகள்: ஜூன் 11, 12.

திசைகள்: வடமேற்கு, வடக்கு, தென்கிழக்கு.

நிறங்கள்: மெரூன், பச்சை, இளநீலம், வெண்மை.

எண்கள்: 5, 6, 7.

பரிகாரம்:

சூரியன், செவ்வாய்க்கு அர்ச்சனைகள் செய்வது நல்லது.

விருச்சிக ராசி வாசகர்களே

உங்கள் ராசிக்கு 9-ல் குருவும் சுக்கிரனும், 11-ல் ராகுவும் உலவுவது விசேஷமாகும். மந்திர, தந்திர, யந்திர சாஸ்திரங்களில் ஈடுபாடு உள்ளவர்களுக்கு வரவேற்பு கூடும். பிள்ளைகள்ள் நலம் சீராகும். எதிரிகள் அடங்கிப் போவார்கள்.. திருமணம் போன்ற சுப காரியங்கள் நிகழும். பிள்ளைகளால் பெற்றோருக்கும் பெற்றோரால் பிள்ளைகளுக்கும் அனுகூலம் உண்டாகும்.

வாழ்க்கைத்துணைவரால் நல்லதும் அல்லாததுமான பலன்கள் ஏற்படும். பிறரிடம் கோபப்படாமல் அன்புடன் பழகுவது நல்லது. 12-ம் தேதி முதல் சனி 12-ம் இடம் மாறுவது சிறப்பாகாது. 15-ம் தேதி முதல் செவ்வாயும், 16-ம் தேதி முதல் சூரியனும் 8-ம் இடம் மாறுவதும் குறையாகும். இதனால் உடல் நலம் பாதிக்கும். கண், மறைமுக உறுப்புகள், கால் சம்பந்தமான உபாதைகள் ஏற்படும்.

அதிர்ஷ்டமான தேதிகள்: ஜூன் 11, 12, 15.

திசைகள்: தென்மேற்கு, வடகிழக்கு, தென்கிழக்கு.

நிறங்கள்: வெண்சாம்பல் நிறம், பொன் நிறம், வான் நீலம்.

எண்கள்: 3, 4, 6.

பரிகாரம்: சனி, கேதுவுக்கு அர்ச்சனைகள் செய்யவும். திருமுருகனை வழிபடவும்.

தனுசு ராசி வாசகர்களே

உங்கள் ராசிக்கு 6-ல் சூரியனும் செவ்வாயும் புதனும், 8-ல் சுக்கிரனும், 10-ல் ராகுவும் உலவுவது சிறப்பு. எடுத்த காரியங்களில் திறம்பட ஈடுபட்டு வெற்றி பெறுவீர்கள். மனதில் துணிவும் தன்னம்பிக்கையும் கூடும். எதிரிகள் அடங்குவார்கள். வழக்கில் வெற்றி கிட்டும். விளையாட்டு, விநோதங்கள், போட்டி பந்தயங்களிலும் வெற்றி பெறுவீர்கள்.

அரசு உதவி கிடைக்கும். நிர்வாகத் திறமையாலும் செயல் வேகத்தாலும் ஓரிரு சாதனைகளை ஆற்றிப் புகழும் பொருளும் பெறுவீர்கள். வியாபாரம் விருத்தி அடையும். இயந்திரப் பணிகள் லாபம் தரும். இன்ஜினீயர்களது நிலை உயரும். அயல்நாட்டுத் தொடர்பு பயன்படும். 4-ல் கேதுவும், 12-ல் சனியும், ராசிநாதன் குரு 8-லும் உலவுவதால் அலைச்சல், உழைப்பு ஆகியவை அதிகமாகும்.

அதிர்ஷ்டமான தேதிகள்: ஜூன் 11, 12, 15.

திசைகள்: தென்மேற்கு, தெற்கு, கிழக்கு, வடக்கு.

நிறங்கள்: சிவப்பு, புகை நிறம். ஆரஞ்சு, பச்சை, வெண்மை.

எண்கள்: 1, 4, 5, 6, 9.

பரிகாரம்: குரு, கேதுவுக்கு அர்ச்சனை, ஆராதனைகள் செய்வது நல்லது. வேத விற்பன்னர்களுக்கு உதவவும்.

மகர ராசி வாசகர்களே

உங்கள் ராசிக்கு 3-ல் கேதுவும், 7-ல் குருவும், 11-ல் சனியும் உலவுவதால் மனத்துணிவு கூடும். எதிர்ப்புகள் குறையும். நல்லவர்களது நேசம் கிடைக்கும். அதனால் அனுகூலமும் உண்டாகும். ஆன்மிகத்தில் நாட்டம் அதிகமாகும். பொருளாதார நிலை உயரும். உத்தியோகஸ்தர்களுக்கும் தொழிலாளர்களுக்கும் முன்னேற்றமான சூழ்நிலை நிலவி வரும்.

கணவன் மனைவி உறவு நிலை சீராகும். கூட்டுத் தொழில் லாபம் தரும். உழைப்புக்கும் திறமைக்கும் உரிய பயன் கிடைக்கவே செய்யும். மக்கள் நலனில் கவனம் தேவைப்படும். வயிறு சம்பந்தமான உபாதைகள் ஏற்படும். 12-ம் தேதி முதல் சனி 10-ம் இடம் மாறுவதால் தொழிலில் அபிவிருத்தி காணலாம். 15-ம் தேதி முதல் செவ்வாயும் 16-ம் தேதி முதல் சூரியனும் 6-ம் இடம் மாறுவது விசேஷமாகும். எதிர்ப்புகள் விலகும்.

அதிர்ஷ்டமான தேதிகள்: ஜூன் 11, 12, 15.

திசைகள்: மேற்கு, வடமேற்கு, வடகிழக்கு.

நிறங்கள்: நீலம், மெரூன், பொன் நிறம்.

எண்கள்: 3, 7, 8.

பரிகாரம்:

சூரியன், செவ்வாய்க்கு அர்ச்சனை, ஆராதனைகள் செய்வது நல்லது.

கும்ப ராசி வாசகர்களே

உங்கள் ராசிக்கு 4-ல் புதனும், 10-ல் சனியும் உலவுவதால் உழைப்புக்கும் திறமைக்கும் உரிய பயனைப் பெற்று வருவீர்கள். வியாபாரத்தில் வளர்ச்சி காண வழிபிறக்கும். தொழிலாளர்களுக்கும் விவசாயிகளுக்கும் முன்னேற்றமான சூழ்நிலை நிலவிவரும். மாணவர்களது திறமை வெளிப்படும். இதர கிரகங்களின் சஞ்சாரம் சிறப்பாக இல்லாததால் குடும்பத்தில் குழப்பம் ஏற்படும்.

உணவுப் பழக்கத்தில் கட்டுப்பாடு தேவை. வீண்வம்பு வேண்டாம். பொருளாதாரம் சம்பந்தமான காரியங்களில் விழிப்புத் தேவை. புதியவர்களை நம்பி ஏமாறாமல் இருப்பது நல்லது. முக்கியமான பொறுப்புகளையும், பணத்தையும் அவர்களிடம் தரவேண்டாம். வீண் அலைச்சலைத் தவிர்க்கவும். உத்தியோகஸ்தர்களுக்கும் கலைஞர்களுக்கும் மாதர்களுக்கும் சோதனையான நேரமிது; விழிப்புடன் செயல்படுவது அவசியம்.

அதிர்ஷ்டமான தேதிகள்: ஜூன் 12, 15.

திசைகள்: மேற்கு, வடக்கு.

நிறங்கள்: கருநீலம், பச்சை.

எண்கள்: 5, 8.

பரிகாரம்: நவக்கிரக வழிபாடு அவசியம். ஜாதக பலம் உள்ளவர்கள் கவலைப்படத் தேவையில்லை.

மீன ராசி வாசகர்களே

உங்கள் ராசிக்கு 3-ல் சூரியனும் செவ்வாயும், 5-ல் குருவும், சுக்கிரனும் உலவுவது விசேஷமாகும். மதிப்பும் அந்தஸ்தும் உயரும். உடல்நலம் சீராக இருந்துவரும். குடும்பத்தில் சுப காரியங்கள் நிகழும். அரசியல் ஈடுபாடு ஆக்கம் தரும். நிர்வாகத் திறமையாலும் செயல் வேகத்தாலும் வெற்றி பெறுவீர்கள். அரசுப் பணியாளர்களுக்கு அனுகூலமான போக்கு தென்படும்.

பொறியியல், சட்டம், காவல், ராணுவத் துறையினர் சாதனைகள் பல புரிவார்கள் நிலபுலங்கள் ஓரளவு லாபம் தரும். உடன்பிறந்தவர்கள் உதவுவார்கள். மக்களால் மனமகிழ்ச்சி கூடும். திருமணம் போன்ற சுப காரியங்கள் நிகழும். நல்லவர்கள் பக்கபலமாக இருப்பார்கள். வியாபாரிகள் விழிப்புடன் செயல்படுவது நல்லது.

அதிர்ஷ்டமான தேதிகள்: ஜூன் 11, 12, 15.

திசைகள்: தென்கிழக்கு, கிழக்கு, வடகிழக்கு, தெற்கு.

நிறங்கள்: இளநீலம், ஆரஞ்சு, சிவப்பு, பொன் நிறம்.

எண்கள்: 1, 3, 6, 9.

பரிகாரம்:

ராகு, கேது, புதனுக்கு அர்ச்சனை செய்யவும். விநாயகரை வழிபட்டு எக்காரியத்திலும் ஈடுபடவும். ஏழை மாணவர்கள் கல்விக்கு உதவவும்.