வார ராசி பலன் 7-5-2015 முதல் 13-5-2015 வரை (துலாம் முதல் மீனம் வரை)

துலாம் ராசி வாசகர்களே

உங்கள் ராசிக்கு 6-ல் கேதுவும், 8-ல் புதனும், 9-ல் சுக்கிரனும் சஞ்சரிப்பதால் பொருள் வரவு சற்று அதிகரிக்கும். நல்ல தகவல் வந்து சேரும். முயற்சி வீண்போகாது. ரேடியோ, வீடியோ, டி,வி, பத்திரிகை, போன்ற தகவல் தொடர்புத் துறைகள் ஆக்கம் தரும். நண்பர்கள், உறவினர்கள் உதவுவார்கள். நில புலங்களால் ஓரளவு ஆதாயம் கிடைத்துவரும். கலைத்துறையினர் வளர்ச்சி காண்பார்கள்.

புனிதமான காரியங்களில் ஈடுபாடு உண்டாகும். தொலைத் தூரத் தொடர்பு பயன்படும். சூரியன், செவ்வாய், சனி, ராகுவின் சஞ்சாரம் சிறப்பாக இல்லாததால் பிறரிடம் கோபப்படாமல் நிதானமாகப் பேசிப் பழகுவது நல்லது. எதிலும் வேகம் கூடாது. விவேகம் தேவை. உடன்பிறந்தவர்களால் மன அமைதி குறையும். வீண் செலவுகள் ஏற்படும். சிக்கன நடவடிக்கை அவசியம்.

அதிர்ஷ்டமான தேதிகள்: மே 8, 10, 13.

திசைகள்: வடமேற்கு, வடக்கு, தென்கிழக்கு.

நிறங்கள்: மெரூன், பச்சை, இளநீலம், வெண்மை.

எண்கள்: 5, 6, 7.

பரிகாரம்:

இளைஞர்கள், ஏழை எளியவர்களுக்கு உதவவும். முருகனை வழிபடவும்.

விருச்சிக ராசி வாசகர்களே

உங்கள் ராசிக்கு 6-ல் சூரியனும், 8-ல் சுக்கிரனும், 9-ல் குருவும், 11-ல் ராகுவும் உலவுவது விசேஷமாகும். அலைச்சலும் உழைப்பும் கூடும் என்றாலும் அதற்கான பலனும் கிடைக்கும். குடும்பத்தில் குதூகலம் கூடும், பணப் புழக்கம் திருப்தி தரும். பேச்சில் இனிமையும் திறமையும் அதிகரிக்கும். எதிரிகள் அடங்குவார்கள்.

முன்னேற்றத்துக்கான தகவல் வந்து சேரும். நண்பர்கள், உறவினர்கள் உதவுவார்கள். கலைத்துறையினருக்கு வரவேற்பு அதிகரிக்கும். பெண்களின் நிலை உயரும். அரசியல்வாதிகள், அரசுப்பணியாளர்களுக்கு முன்னேற்றமான சூழ்நிலை நிலவிவரும். பதவி உயர்வு, இடமாற்றம், ஊதிய உயர்வு ஆகியவற்றைப் பெறச் சந்தர்ப்பம் கூடிவரும். தந்தையால் நலம் உண்டாகும். வெளிநாட்டுத் தொடர்பு பயன்படும். பிள்ளைகளால் மனசஞ்சலம் ஏற்பட்டு விலகும்.

அதிர்ஷ்டமான தேதிகள்: மே 8, 10, 13.

திசைகள்: தென்மேற்கு, வடகிழக்கு, கிழக்கு, தென்கிழக்கு.

நிறங்கள்: வெண்சாம்பல் நிறம், பொன் நிறம், வான் நீலம், ஆரஞ்சு.

எண்கள்: 1, 3, 4, 6, 9.

பரிகாரம்:

சனிப் பிரீதி செய்வது நல்லது. விநாயகரை வழிபடவும்.

தனுசு ராசி வாசகர்களே

உங்கள் ராசிக்கு 5-ல் சூரியனும், 6-ல் செவ்வாயும் புதனும், 10-ல் ராகுவும் உலவுவது சிறப்பு. வாழ்வில் முன்னேற்றம் காண நல்ல வாய்ப்புகள் கூடிவரும். பணப் புழக்கம் சீராகும். நல்ல தகவல் வந்து சேரும். அரசுப் பணிகள் ஆக்கம் தரும். நிர்வாகத் திறமையாலும் செயலாற்றலாலும் ஓரிரு சாதனைகளை ஆற்றுவீர்கள். எதிரிகளின் கரம் வலுக்குறையும். வழக்கில் சாதகமான போக்கு தென்படும்.

இயந்திரப் பணிகள் லாபம் தரும். வியாபாரிகளுக்கு லாபம் அதிகரிக்கும். அயல்நாட்டுத் தொடர்பு பயன்படும். தந்தையாலும், உடன்பிறந்தவர்களாலும் அனுகூலம் உண்டாகும். ஏற்றுமதி-இறக்குமதி தொழிலில் ஆதாயம் கிடைக்கும். 4-ல் கேதுவும், 7-ல் சுக்கிரனும், 8-ல் குருவும், 12-ல் சனியும் இருப்பதால் எதிர்பாராத செலவுகளும் இழப்புகளும் உண்டாகும்.

அதிர்ஷ்டமான தேதிகள்: மே 8, 10, 13.

திசைகள்: தென்மேற்கு, தெற்கு, கிழக்கு, வடக்கு.

நிறங்கள்: சிவப்பு, புகை நிறம். ஆரஞ்சு, பச்சை.

எண்கள்: 1, 4, 5, 9.

பரிகாரம்:

விநாயகர், ஆஞ்சநேயரை வழிபடுவது நல்லது. வேத விற்பன்னர்களுக்கு உதவவும். காக்கைக்கு அன்னமிடவும்.

மகர ராசி வாசகர்களே

உங்கள் ராசிக்கு 3-ல் கேதுவும், 7-ல் குருவும், 11-ல் சனியும் உலவுவதால் மனத் துணிச்சல் கூடும். எதிர்ப்புகள் கட்டுக்குள் அடங்கியிருக்கும். நல்லவர்கள் உதவி புரிய முன்வருவார்கள். பொதுப் பணிகளில் ஆர்வம் கூடும். தொழிலாளர்களுக்கும் விவசாயிகளுக்கும் முன்னேற்றமான சூழ்நிலை நிலவிவரும். உத்தியோகஸ்தர்களது நிலை உயரும். பணப் புழக்கம் திருப்தி தரும்.

உழைப்புக்கும் திறமைக்கும் உரிய பயன் கிடைக்கும். சூரியன், செவ்வாய், புதன், சுக்கிரனின் சஞ்சாரம் சிறப்பாக இல்லாததால் அலைச்சல் சற்று கூடும். பிள்ளைகள் நலம் கவனிக்கப்பட வேண்டிவரும். வயிறு சம்பந்தமான உபாதைகள் ஏற்படும். கலைஞர்கள் விழிப்புடன் செயல்படுவது நல்லது. பெண்களுக்குச் சோதனைகள் சூழும். வண்டி வாகனங்களில் செல்லும்போது எச்சரிக்கை தேவை.

அதிர்ஷ்டமான தேதிகள்: மே 10, 13.

திசைகள்: மேற்கு, வடமேற்கு, வடகிழக்கு.

நிறங்கள்: நீலம், மெரூன்.

எண்கள்: 3, 5, 7, 8.

பரிகாரம்:

சுக்கிரனுக்கு அர்ச்சனை, ஆராதனைகள் செய்வது நல்லது. ஏழைப் பெண்களுக்கு உதவவும்.

கும்ப ராசி வாசகர்களே

உங்கள் ராசிக்கு 3-ல் சூரியனும், 4-ல் புதனும், 5-ல் சுக்கிரனும், 10-ல் சனியும் உலவுவது சிறப்பு. எடுத்த காரியங்களில் எப்படியும் வெற்றி பெறுவீர்கள். பொருளாதார நிலை சீராகும். ஒன்றுக்கு மேற்பட்ட துறைகளால் ஆதாயம் கிடைக்கும். அரசியல் ஈடுபாடு ஆக்கம் தரும். அரசுப் பணியாளர்களுக்கு முன்னேற்றமான சூழ்நிலை நிலவிவரும். சொத்துகள் சேரும். நண்பர்கள், உறவினர்கள் உதவுவார்கள்.

கலைத்துறையினருக்கு சுபிட்ஷம் கூடும். பெண்களின் எண்ணம் நிறைவேறும். கேளிக்கை, உல்லாசங்களில் ஈடுபாடு அதிகரிக்கும். உழைப்பு வீண்போகாது. குரு, ராகு, கேதுவின் சஞ்சாரம் சிறப்பாக இல்லாததால் குடும்பத்தில் குழப்பம் ஏற்பட்டு விலகும். புதியவர்களிடம் எச்சரிக்கை தேவை. பயணத்தின்போது விழிப்புடன் இருக்கவும். பேச்சிலும் உணவுப் பழக்கத்திலும் கட்டுப்பாடு தேவை. வீண் விவகாரங்களில் தலையிடலாகாது. நஷ்டத்தைத் தவிர்க்கலாம்.

அதிர்ஷ்டமான தேதிகள்: மே 8, 13.

திசைகள்: கிழக்கு, தென்கிழக்கு, மேற்கு, வடக்கு.

நிறங்கள்: வெண்மை, நீலம், பச்சை. ஆரஞ்சு.

எண்கள்: 1, 5, 6, 8.

பரிகாரம்:

குருப் பிரீதி செய்வது நல்லது. துர்கை, விநாயகரை வழிபடவும்.

மீன ராசி வாசகர்களே

உங்கள் ராசிக்கு 3-ல் செவ்வாயும், 4-ல் சுக்கிரனும், 5-ல் குருவும் உலவுவது சிறப்பு. துணிச்சலான காரியங்களில் ஈடுபாடு கூடும். எதிரிகள் ஓடி ஒளிவார்கள். போட்டிகள், பந்தயங்கள், விளையாட்டுகள், வழக்குகளில் வெற்றி காணச் சந்தர்ப்பம் உருவாகும்.

கலைஞர்களுக்கு வெற்றி வாய்ப்புகள் அதிகரிக்கும். கேளிக்கை, உல்லாசங்களில் ஈடுபாடு கூடும். பிள்ளைகளால் அனுகூலம் உண்டாகும். முக்கியமான காரியங்கள் நிறைவேறும். தெய்வப் பிரார்த்தனைகளை நிறைவேற்றிக் கொள்ளச் சந்தர்ப்பம் கூடிவரும். மகப்பேறு பாக்கியம் சிலருக்கு இப்போது கிடைக்கும். பண வரவு அதிகரிக்கும். கொடுக்கல்-வாங்கல் லாபம் தரும். உத்தியோகஸ்தர்கள், இயந்திரப் பணியாளர்கள், பொறியாளர்களுக்கு செழிப்புக் கூடும்.

அதிர்ஷ்டமான தேதிகள்: மே 8, 10.

திசைகள்: தென்கிழக்கு, வடகிழக்கு, தெற்கு.

நிறங்கள்: இளநீலம், சிவப்பு, பொன் நிறம்.

எண்கள்: 3, 6, 9.

பரிகாரம்: சூரியன், ராகு, கேதுவுக்குப் பிரீதி செய்வது நல்லது. மகாவிஷ்ணுவுக்கு அர்ச்சனைகள் செய்யவும். ஏழை மாணவர்கள் கல்வி பயில உதவவும்.