வார ராசிபலன் 11-12-2014 முதல் 17-12-2014 வரை மேஷம் முதல் கன்னி வரை

மேஷ ராசி வாசகர்களே

உங்கள் ராசிக்கு 5-ல் குருவும், 6-ல் ராகுவும் 9-ல் சுக்கிரனும் 10-ல் செவ்வாயும் உலவுவது சிறப்பாகும். நண்பர்கள், உறவினர்களது தொடர்பால் அனுகூலம் உண்டாகும். புதிய சொத்துகள் சேரும். மக்களால் ஓரிரு எண்ணங்கள் நிறைவேறும். எதிர்ப்புகள் விலகும். வழக்கு, வியாஜ்ஜியங்களிலும்; போட்டிப் பந்தயங்க்ளிலும், விளையாட்டு விநோதங்களிலும் வெற்றி கிட்டும்.

அயல்நாட்டுத் தொடர்புடன் செய்யும் தொழில் விருத்தி அடையும். கலைத்துறையினருக்கு நல்ல வாய்ப்புகள் கூடிவரும். மாதர்களது நோக்கம் நிறைவேறும். 16-ம் தேதி முதல் சூரியன் 9-ம் இடம் மாறுவதும், சனி 8-ம் இடம் மாறுவதும் சிறப்பாகா. அலைச்சல், உழைப்பு ஆகியவை கூடும். மனதில் ஏதேனும் சலனம் உண்டாகும். உடல் ஆரோக்கியத்தில் அக்கறை தேவை. கால் சம்பந்தமான உபாதைகள் ஏற்படக் காரணம் உண்டு. 17-ம் தேதி முதல் குரு வக்கிர நிலை பெறுவதால் பொருள் கொடுக்கல்-வாங்கலில் விழிப்புத்தேவை. மக்கள் நலனில் அக்கறை தேவைப்படும். ராசிநாதன் செவ்வாய் வலுத்திருப்பதால் எதையும் சமாளிக்கும் சக்தி இருக்கும்.

அதிர்ஷ்டமான தேதிகள்: டிசம்பர் 13, 17.

திசைகள்: தென்மேற்கு, தெற்கு, தென்கிழக்கு.

நிறங்கள்: புகை நிறம், வான் நீலம், சிவப்பு.

எண்கள்: 3, 4, 6, 9.

பரிகாரம்: சூரியனையும் ஆஞ்சநேயரையும் வழிபடவும்.

ரிஷப ராசி வாசகர்களே

உங்கள் ராசிக்கு 6-ல் சனியும் 8-ல் புதனும் சுக்கிரனும் 11-ல் கேதுவும் உலவுவது சிறப்பாகும். நல்ல தகவல் வந்து சேரும். உடன்பிறந்தவர்கள் உங்களுக்கு உதவி புரிவார்கள். மனோபலம் கூடும். புதிய சொத்துக்களும் பொருட்களும் சேரும். மக்களால் சில இடர்ப்பாடுகள் உண்டாகும். மக்களின் நடத்தையில் கவனம் செலுத்தவும். வியாபாரிகளுக்கு லாபம் கூடு ம். கலைத்துறையினருக்கு நல்ல வாய்ப்புகள் கூடிவரும். மாதர்களது எண்ணம் நிறைவேறும். எதிர்பாராத பொருள் கைக்கு வந்து சேரும். குடும்ப நலம் சீராகவே இருந்துவரும்.

16-ம் தேதி முதல் சூரியன் 8-ம் இடத்துக்கும், சனி 7-ம் இடத்துக்கும் மாறுவது விசேடமாகாது. சுகம் குறையும். உஷ்ணாதிக்கம் கூடும். எதிரிகள் இருப்பார்கள். அரசு விவகாரங்களில் விழிப்புத் தேவை. தந்தை நலம் கவனிக்கப்பட வேண்டிவரும். 17-ம் தேதி முதல் குரு வக்கிரம் பெறுவதால் பொருளாதாரம் சம்பந்தமான இனங்களில் ஈடுபாடு உள்ளவர்கள் பொறுப்புடன் செயல்படுவது நல்லது. கெட்டவர்களின் தொடர்பு கூடாது.

அதிர்ஷ்டமான தேதிகள்: டிசம்பர் 13, 17.

திசைகள்: வடமேற்கு, மேற்கு, வடக்கு, தென்கிழக்கு.

நிறங்கள்: மெரூன், வெண்மை, நீலம், பச்சை..

எண்கள்: 5, 6,, 7, 8.

பரிகாரம்: துர்கை அம்மனுக்கு அர்ச்சனை, ஆராதனை செய்வது நல்லது.

மிதுன ராசி வாசகர்களே

உங்கள் ராசிக்கு 6-ல் சூரியனும் 10-ல் கேதுவும் சஞ்சரிப்பதால் குடும்ப நலம் சீராக இருந்துவரும். பேச்சில் திறமை வெளிப்படும். கற்பனை வளம் கூடும். அரசு சம்பந்தமான காரியங்களில் வெற்றி கிட்டும். தந்தையால் அனுகூலம் உண்டாகும். ஆன்மிகப்பணிகளில் ஈடுபாடு அதிகரிக்கும். முக்கியஸ்தர்களது சந்திப்பு நிகழும். அதனால் நன்மையும் உண்டாகும். 16-ம் தேதி முதல் சூரியன் 7-ம் இடம் மாறுவதால் கணவன் மனைவி இடையே கருத்து வேறுபாடுகள் ஏற்படும். விட்டுக்கொடுத்துப் பழகிவருவது நல்லது.

பங்குதாரர்களிடம் விழிப்புடன் இருக்கவும். 16-ம் தேதி முதல் சனி 6-ம் இடம் மாறுவது விசேடமாகும். செய்து வரும் தொழில் விருத்தி அடையும். திறமைக்கும் உழைப்புக்கும் உரிய பயன் கிடைத்துவரும். தொழிலாளர்களது நிலை உயரும். இரும்பு, எஃகு சம்பந்தமான இனங்கள் லாபம் தரும். 17-ம் தேதி முதல் குரு வக்கிர நிலை பெறுவதால் பொருளாதார நிலை உயரும். 4-ல் ராகுவும் 8-ல் செவ்வாயும் இருப்பதால் எக்காரியத்திலும் பதற்றம் கூடாது. பயணத்தின்போதும் இயந்திரங்களில் பணிபுரியும்போதும் விழிப்புத் தேவை.

அதிர்ஷ்டமான தேதிகள்: டிசம்பர் 13, 17.

திசைகள்: வடமேற்கு, கிழக்கு.

நிறங்கள்: மெரூன், ஆரஞ்சு.

எண்கள்: 1, 7.

பரிகாரம்: துர்கையையும் முருகனையும் வழிபடவும். வாழ்க்கைத்துணையிடம் அன்புடன் பேசிப் பழகவும். கோபம் கூடாது.

கடக ராசி வாசகர்களே

உங்கள் ராசிக்கு 2-ல் குருவும் 3-ல் ராகுவும் 6-ல் புதனும் உலவுவதால் செல்வாக்கும் மதிப்பும் உயரும். உடல் நலம் சீராகவே இருந்துவரும். குடும்பத்தில் நற்காரியங்கள் நிகழும். கொடுக்கல்-வாங்கல் லாபம் தரும். புதியவர்களது நட்பு கிடைக்கும். அதனால் அனுகூலமும் உண்டாகும். சிறு பயணம் ஒன்றை மேற்கொள்ள வேண்டிவரும். அதனால் முக்கியமான ஒரு எண்ணமும் நிறைவேறும். போக்குவரத்து இனங்கள் லாபம் தரும். 16-ம் தேதி முதல் சூரியன் 6-ம் இட மாறுவதால் அரசு உதவி கிடைக்கும். முக்கியப் பதவிகளும் பட்டங்களும் கிடைக்கும். எலெக்ட்ரானிக், கம்ப்யூட்டர் போன்ற நவீன விஞ்ஞானத்துறைகள் லாபம் தரும்.

நிறுவன, நிர்வாகத்துறையினருக்கு முன்னேற்றமான சூழ்நிலை உருவாகும். 16-ஆம் தேதி முதல் சனி 5-ஆமிடம் மாறுவது சிறப்பாகாது. மக்கள் நலனில் கவனம் தேவை. வயிறு சம்பந்தமான உபாதைகள் ஏற்படும். மறதியால் அவதி உண்டாகும். கெட்ட பழக்கவழக்கங்களுக்கு இடம் தரலாகாது. 17-ம் தேதி முதல் குரு வக்கிரம் பெறுவதால் கொடுக்கல்வாங்களில் விழிப்புத் தேவை. சுக்கிரன் 6 -ல் இருப்பதால் கலைஞர்கள் பொறுப்புடன் காரியமாற்றுவது நல்லது. பெண்களால் ஆடவர்களுக்குச் சங்கடம் உண்டாகும். கேளிக்கை, உல்லாசங்களைத் தவிர்ப்பது நல்லது.

அதிர்ஷ்டமான தேதிகள்: டிசம்பர் 13, 17.

திசைகள்: தென்மேற்கு, வடக்கு, வடகிழக்கு.

நிறங்கள்: புகை நிறம், பச்சை, வெண்மை, பொன் நிறம்..

எண்கள்: 3, 4, 5, 9.

பரிகாரம்: சுக்கிரன், சனி ஆகியோருக்கு அர்ச்சனை, ஆராதனைகள் செய்வது நல்லது. ஏழைப் பெண்களுக்கு உதவி செய்யவும். பராசக்தியையும் ஆஞ்சநேயரையும் வழிபடுவது நல்லது.

சிம்ம ராசி வாசகர்களே

உங்கள் ராசிக்கு 3-ல் சனியும் 5-ல் சுக்கிரனும் 6-ல் செவ்வாயும் உலவுவதால் சுபச் செலவுகள் சற்று அதிகரிக்கும். சமுதாய நலப்பணிகளில் ஈடுபாடு கூடும். கலைத்துறையினருக்கு சுபிட்சம் கூடும். மாதர்களது நோக்கம் நிறைவேறும். இயந்திரப்பணியாளர்களுக்கு வருவாய் அதிகரிக்கும். நிலபுலங்கள் சேரும். எதிரிகள் அடங்குவார்கள். மதிப்பும் அந்தஸ்தும் உயரும். உடன்பிறந்தவர்கள் உதவுவார்கள்.

சட்டம், காவல், ராணுவம் போன்ற துறைகளைச் சேர்ந்தவர்கள் சாதனை பல ஆற்றுவார்கள். புதிய ஆடை அணிமணிகளின் சேர்க்கை நிகழும். 16-ஆம் தேதி முதல் சூரியன் 5-ம் இடமும், சனி 4-ம் இடமும் மாறுவது சிறப்பாகா. மக்களாலும், நண்பர்களாலும் சில இடர்ப்பாடுகள் ஏற்படும். அலைச்சல் அதிகமாகும். தாய் நலனில் அக்கறை தேவைப்படும். சொத்துக்கள் சம்பந்தமான பிரச்னைகள் ஏற்படும். மார்பு, வயிறு சமப்ந்தப்பட்ட உபாதைகள் உண்டாகும். உடல் ஆரோக்கியத்தில் கவனம் செலுத்துவது அவசியமாகும். வீண் வம்பு வேண்டாம். குடும்பத்தில் சலசலப்பு ஏற்படும். பேச்சில் நிதானம் தேவை. புதியவர்களிடம் அதிகம் நெருக்கம் வேண்டாம்.

அதிர்ஷ்டமான தேதிகள்: டிசம்பர் 13, 17.

திசைகள்: தெற்கு, தென்கிழக்கு, வடக்கு, மேற்கு.

நிறங்கள்: நீலம், பச்சை, சிவப்பு, வெண்மை.

எண்கள்: 5, 6, 8, 9.

பரிகாரம்: ராகு, கேதுக்களுக்குப் பிரீதியாக துர்கையையும் விநாயகரையும் தொடர்ந்து வழிபடவும்.

கன்னி ராசி வாசகர்களே

உங்கள் ராசிக்கு 3-ல் சூரியனும் 4-ல் புதனும் சுக்கிரனும் உலவுவது சிறப்பாகும். அரசாங்கப்பணிகள் இனிது நிறைவேறும். முக்கியமானவர்கள் உங்களுக்கு உதவிக்கரம் நீட்டுவார்கள். வியாபாரம் பெருகும். கணிதம், எழுத்து, பத்திரிகை, தரகு போன்ற துறைகளைச் சேர்ந்தவர்களுக்கு முன்னேற்றமான சூழ்நிலை நிலவிவரும். கலைஞர்களது நிலை உயரும். பெண்களுக்கு மன உற்சாகம் கூடும். கேளிக்கை, உல்லாசங்களில் ஈடுபாடு கூடும். புதிய சொத்துக்களும், பொருட்களும் சேரும். நற்காரியங்களுக்காகச் செலவு செய்ய வேண்டிவரும். மக்கள் நல முன்னேற்றத்துக்காகவும் செலவு செய்வீர்கள்.

கணவன் மனைவி உறவு நிலை சீராக இருந்துவரும். 16-ம் தேதி முதல் சூரியன் 4-ம் இடம் மாறுவது சிறப்பாகாது. அலைச்சல் அதிகமாகும். 16-ம் தேதி முதல் சனி 3-ம் இடம் மாறுவது விசேடமாகும். ஏழரைச் சனியின் காலம் முழுவதுமாக விலகுவதால் வெற்றி வாய்ப்புகள் அதிகரிக்கும். செய்து வரும் தொழிலில் அபிவிருத்தி காண வழிபிறக்கும். எதிரிகள் அடங்குவார்கள். மனதில் துணிவு கூடும். 17-ம் தேதி முதல் குரு வக்கிரம் பெறுவதால் பொருளாதார நிலை உயரும். போட்டிகளில் வெற்றி கிட்டும். மாணவர்களது நிலை உயரும்.

அதிர்ஷ்டமான தேதிகள்: டிசம்பர் 11, 17.

திசைகள்: தென்கிழக்கு, வடக்கு, கிழக்கு.

நிறங்கள்: வெண்மை, இளநீலம், பச்சை, ஆரஞ்சு.

எண்கள்: 1, 5, 6.

பரிகாரம்: ராகு, கேது ஆகியோருக்குப் பிரீதி, பரிகாரங்களைச் செய்து கொள்வது நல்லது.