வார ராசிபலன் 08-10-2015 முதல் 14-10-2015 வரை (மேஷம் முதல் கன்னி வரை)

மேஷ ராசி வாசகர்களே!

உங்கள் ராசிக்கு அதிபதி செவ்வாய் 5-ல் இருந்தாலும் குருவுடனும் சுக்கிரனுடனும் கூடியிருப்பதால் நண்பர்களும் உறவினர்களும் உதவுவார்கள். மக்களால் நலம் உண்டாகும். குழந்தை பாக்கியம் உண்டாகும். பண நடமாட்டம் இருக்கும். ஸ்பெகுலேஷன், கொடுக்கல் வாங்கல் லாபம் தரும். மந்திரோபதேசம் பெற வாய்ப்பு உண்டாகும்.

6-ல் சூரியன், புதன், ராகு ஆகியோர் உலவுவதால் எதிர்ப்புக்கள் விலகும். கடன்தொல்லை குறையும். உடல்நிலை சீராகும். கணவன் மனைவி உறவு நிலை திருப்தி தரும். எலெக்ட்ரானிக், கம்ப்யூட்டர் துறை லாபம் தரும். தொழில்நுட்பத் திறமை வெளிப்படும். 8-ல் சனி இருப்பதால் உழைப்பும் அலைச்சலும் அதிகரிக்கும். தொழிலாளர்கள், விவசாயிகள் ஆகியோருக்கெல்லாம் உழைப்புக்குரிய பயன் குறைவாகக் கிடைக்கும்.

அதிர்ஷ்டமான தேதிகள்: அக்டோபர் 11, 12, 14.

திசைகள்: வடகிழக்கு, தென்மேற்கு, தென்கிழக்கு, கிழக்கு, தெற்கு, வடக்கு.

‎நிறங்கள்: சிவப்பு, பொன்நிறம், வெண்மை, ஆரஞ்சு.

எண்கள்: 1, 3, 4, 6, 9. ‎

பரிகாரம்: சனிக்குப் பிரீதி, பரிகாரங்களைச் செய்யவும். மாற்றுத் திறனாளிகளுக்கு உதவி செய்யவும்.

ரிஷப ராசி வாசகர்களே!

உங்கள் ராசிக்கு 4-ல் சுக்கிரனும், 5-ல் புதனும் 11-ல் கேதுவும் உலவுவது சிறப்பாகும். நல்ல தகவல் வந்துசேரும். உடன்பிறந்தவர்கள் உதவுவார்கள். நிலம், மனை, வீடு, வாகனங்களின் சேர்க்கையோ ஆதாயமோ உண்டு. மக்கள் நலம் கவனிப்பின்பேரில் சீராகும். எதிர்பாராத அதிர்ஷ்ட வாய்ப்புக்கள் கூடிவரும். எலெக்ட்ரானிக், கம்ப்யூட்டர் துறைகள் லாபம் தரும். ஆன்மிகப் பணிகளில் ஈடுபாடு கூடும். செய்துவரும் தொழிலில் சீரான வளர்ச்சியைக் காணலாம்.சுபகாரியங்களுக்காகச் செலவு செய்ய வேண்டிவரும். கலைஞர்களுக்கும் மாதர்களுக்கும் நலம் உண்டாகும். கெட்ட பழக்க வழக்கங்களுக்கு இடம் தராமல் இருப்பது நல்லது. பதற்றத்தைத் தவிர்ப்பது நல்லது. வயிறு சம்பந்தமான உபாதைகள் ஏற்பட்டு விலகும்.

அதிர்ஷ்டமான தேதிகள்: அக்டோபர் 11, 12, 14.

திசைகள்: வடமேற்கு, தென்கிழக்கு, வடக்கு.

நிறங்கள்: மெரூன், வெண்மை, இளநீலம், பச்சை.

எண்கள்: 5, 6, 7.

பரிகாரம்:

துர்க்கை அம்மனுக்கு அர்ச்சனை செய்வது நல்லது. ஆதித்த ஹிருதயம் வாசிக்கவும்.

மிதுன ராசி வாசகர்களே!

உங்கள் ராசிக்கு 3-ல் செவ்வாயும் சுக்கிரனும் 4-ல் புதனும் 6-ல் சனியும் 10-ல் கேதுவும் உலவுவதால் மனதில் துணிவும் தன்னம்பிக்கையும் கூடும். எடுத்த காரியங்களில் வெற்றி கிட்டும். எதிரிகள் அடங்கிப் போவார்கள். வழக்கு, வியாஜ்ஜியங்களிலும் போட்டிப் பந்தயங்களிலும் வெற்றி கிட்டும். இயந்திரப் பணிகள் லாபம் தரும். வியாபாரிகளுக்கு லாபம் கூடும்.

கணிதம், எழுத்து, விஞ்ஞானம், தரகு, கமிஷன் துறைகளில் ஆக்கம் உண்டு. நண்பர்களும் உறவினர்களும் உங்களுக்கு உதவுவார்கள். கலைத் துறையினருக்குப் புதிய ஒப்பந்தங்கள் வந்து சேரும். மாதர்கள் நலம் பெறுவார்கள். பெண்களால் ஆடவர்களுக்கு அளவோடு அனுகூலம் உண்டாகும். சமுதாய நலப் பணியாளர்களுக்கு நற்பெயர் கிடைக்கும். தொழிலாளர்களது நோக்கம் நிறைவேறும். விவசாயிகளுக்கு வருவாய் அதிகரிக்கும்.

அதிர்ஷ்டமான தேதிகள் : அக்டோபர் 11, 12, 14.

திசைகள்: தென்கிழக்கு, வடமேற்கு, மேற்கு. தெற்கு

நிறங்கள்: சிவப்பு, நீலம், பச்சை, மெரூன்.

எண்கள்: 5, 6, 7, 8, 9.

பரிகாரம்: சூரியன், ராகு, குருவுக்கு பிரீதி செய்யவும்.

கடக ராசி வாசகர்களே!

உங்கள் ராசிக்கு 2-ல் குருவும் சுக்கிரனும் 3-ல் சூரியனும் ராகுவும் உலவுவது சிறப்பாகும். 2-ல் செவ்வாய் இருந்தாலும் அவர் உங்கள் ராசிக்கு யோககாரகன் என்பதால் நலம் புரிவார். செல்வ நிலையில் விசேஷமான வளர்ச்சி காண வாய்ப்பு உண்டாகும். குடும்பத்தில் குதூகலம் நிறைந்திருக்கும். சுப காரியங்கள் நிகழும்.

விருந்து, உபசாரங்களில் ஈடுபாடு கூடும். உற்சாகம் பெருகும். நல்ல தகவல் வந்து சேரும். உத்தியோகஸ்தர்களது நிலை உயரும். ஆசிரியர்கள், ஆன்மிகவாதிகள், பேச்சாளர்கள் தங்கள் நிலை உயரப் பெறுவார்கள். அரசியல்வாதிகளுக்குச் செல்வாக்கு உயரும். அரசுப் பணியாளர்களது எண்ணம் நிறைவேறும். பயணத்தால் அனுகூலம் ஏற்படும். தர்ம சிந்தனை வளரும். கொடுத்த வாக்கைக் காப்பாற்றிவருவீர்கள்.

அதிர்ஷ்டமான தேதிகள்: அக்டோபர் 11, 12, 14.

திசைகள்: வடகிழக்கு, தென்மேற்கு, தென்கிழக்கு, கிழக்கு.

நிறங்கள்: ஆரஞ்சு, புகை நிறம், இளநீலம், பொன் நிறம், சிவப்பு.

எண்கள்: 1, 3, 4, 6, 9.

பரிகாரம்: சனி, கேதுவுக்கு பிரீதி செய்யவும். ஆஞ்சநேயரையும் விநாயகரையும் வழிபடவும்.

சிம்ம ராசி வாசகர்களே!

உங்கள் ராசியில் சுக்கிரனும் 2-ல் புதனும் உலவுவது சிறப்பாகும். குருவும் செவ்வாயும் ஜன்ம ராசியில் இருந்தாலும் ஓரளவு நலம் உண்டாகும். மதிப்பும் அந்தஸ்தும் உயரும். உடல்நலம் சீராகவே இருந்துவரும். அதிர்ஷ்ட வாய்ப்புக்கள் தேடிவரும். அரசாங்கத்தாரால் அனுகூலம் உண்டாகும். குடும்பத்தில் சலசலப்புக்கள் குறையும். கணிதம், வியாபாரம், விஞ்ஞானம், எழுத்து, பத்திரிகை, தரகுத் துறைகளைச் சேர்ந்தவர்கள் வளர்ச்சி காண்பார்கள். பண நடமாட்டம் அதிகரிக்கும். கூடுதல் வருவாய் வந்து சேரும். சுப செலவுகள் சற்று அதிகரிக்கும். பேச்சிலும் உணவுப் பழக்கத்திலும் கட்டுப்பாடு தேவை. பெற்றோரால் மன வருத்தம் ஏற்படும். குறிப்பாக தாயாரிடம் சுமுகமாகப் பழகுவது நல்லது. பயணத்தின்போது விழிப்புடன் செயல்படுவது நல்லது. நிலபுலங்கள் சம்பந்தமான பிரச்சினைகள் ஏற்படும். எதிலும் நிதானம் தேவை.

அதிர்ஷ்டமான தேதிகள்: அக்டோபர் 11, 12, 14.

திசைகள்: தென்கிழக்கு..வடக்கு.

நிறங்கள்: வான்நீலம், வெண்மை, பச்சை.

எண்கள்: 5, 6.

பரிகாரம்: சனி, ராகு, கேது ஆகியோருக்கு அர்ச்சனை, ஆராதனைகள் செய்வது நல்லது.

கன்னி ராசி வாசகர்களே!

உங்கள் ராசிக்கு 3-ல் சனியும், 12-ல் சுக்கிரனும் உலவுவது சிறப்பாகும். புதன் ஜன்ம ராசியில் இருப்பதும் அனுகூலமாகும். பொது நலப்பணிகளில் ஈடுபாடு அதிகரிக்கும். தொழிலாளர்களது கோரிக்கைகள் சில இப்போது நிறைவேறும். கலைஞர்களுக்கும் மாதர்களுக்கும் அளவோடு அனுகூலம் ஏற்படும். சுபகாரியச் செலவுகள் கூடும். அலைச்சலைத் தவிர்க்க இயலாமல் போகும். குருவும் செவ்வாயும் 12-ல் இருப்பதால் இடமாற்றமும் நிலைமாற்றமும் ஏற்படும். வீண் செலவுகளைத் தவிர்ப்பது நல்லது. ஜன்ம ராசியில் சூரியனும் ராகுவும் உலவுவதால் உடல்நலனில் கவனம் தேவை. அரசு விவகாரங்களில் விழிப்பு தேவை. பயணத்தின்போது பாதுகாப்பு அவசியமாகும். பிறரிடம் சுமுகமாகப் பழகுவது நல்லது. வியாபாரம், கணிதம், விஞ்ஞானம், தரகு, கமிஷன் ஏஜன்ஸி துறைகளைச் சேர்ந்தவர்களுக்குத் திறமைக்குரிய பயன் கிடைத்துவரும்.

அதிர்ஷ்டமான தேதிகள்: அக்டோபர் 11, 12, 14.

திசைகள்: தென்கிழக்கு, மேற்கு, வடக்கு.

நிறங்கள்: வெண்மை, நீலம், பச்சை.

எண்கள்: 5, 6, 8.

பரிகாரம்: குரு, செவ்வாய், ராகு, கேதுவுக்குப் பரிகாரங்கள் செய்யவும்.