வார ராசி பலன் 04-08-2016 முதல் 10-08-2016 வரை (துலாம் முதல் மீனம் வரை)

துலாம் ராசி வாசகர்களே

உங்கள் ராசிக்கு 10-ல் சூரியனும், 11-ல் புதனும்; சுக்கிரனும்; ராகுவும் உலவுவது சிறப்பு. பல வழிகளில் ஆதாயம் கிடைக்கும் நேரமிது. செல்வ நிலை உயரும். புதிய பதவிகளும் பட்டங்களும் கிடைக்கும். வியாபாரிகளுக்கு லாபம் கூடும். எழுத்தாளர்கள், பத்திரிகையாளர்கள் வளர்ச்சி காண்பார்கள். கலைஞர்களுக்குச் செழிப்பான சூழ்நிலை நிலவிவரும். மாதர்களது எண்ணம் நிறைவேறும். ஆடை, அணிமணிகள், அலங்காரப் பொருட்கள், வாசனைத் திரவியங்களின் சேர்க்கையோ, அவற்றால் ஆதாயமோ பெற வாய்ப்பு உண்டாகும். வெளிநாட்டுத் தொடர்பு பயன்படும். ஆராய்ச்சிகளில் ஈடுபாடு கூடும். சுப காரியங்களுக்காகச் செலவு செய்ய வேண்டிவரும். மக்கள் நல முன்னேற்றத்துக்காகச் செலவுகளை மேற்கொள்வீர்கள். குடும்ப நலனில் கவனம் தேவை.

அதிர்ஷ்டமான தேதிகள்: ஆகஸ்ட் 4, 10 (காலை).

திசைகள்: கிழக்கு, வடக்கு, தென் மேற்கு, தென் கிழக்கு.

நிறங்கள்: சாம்பல் நிறம், ஆரஞ்சு, பச்சை.

எண்கள்: 1, 4, 5, 6.

பரிகாரம்: குரு, தட்சிணாமூர்த்திக்கு நெய்தீபம் ஏற்றவும்.

விருச்சிக ராசி வாசகர்களே

உங்கள் ராசிக்கு 10-ல் புதனும்; ராகுவும், 11-ல் குருவும் உலவுவதால் எடுத்த காரியங்களில் வெற்றி கிடைக்கும். வியாபாரம் பெருகும். எழுத்தாளர்கள், பத்திரிகையாளர்கள், விஞ்ஞானிகள், தரகர்கள், கமிஷன் ஏஜண்டுகள் ஆகியோருக்கெல்லாம் செழிப்புக் கூடும். பொருளாதார நிலை உயரும். அதிர்ஷ்ட இனங்கள் லாபம் தரும். மக்களால் மன மகிழ்ச்சி பெருகும். மகப்பேறு பாக்கியம் உண்டாகும். நண்பர்களும் உறவினர்களும் உதவிக்கரம் நீட்டுவார்கள். குடும்பத்தில் நற்காரியங்கள் நிகழும். பொன் நிறப்பொருட்கள் லாபம் தரும். தனவந்தர்களது சகாயம் கிடைக்கும். பயணத்தின் மூலம் ஒரு காரியம் நிறைவேறும். வாரப் பின்பகுதியில் செலவுகள் சற்று அதிகரிக்கும். இயந்திரப்பணியாளர்கள் விழிப்புடன் செயல்படுவது நல்லது. தாய் நலனில் கவனம், அக்கறை செலுத்த வேண்டிவரும்.

அதிர்ஷ்டமான தேதிகள்: ஆகஸ்ட் 4, 7, 8 (பகல்).

திசைகள்: தென்மேற்கு, வடக்கு, வடகிழக்கு.

நிறங்கள்: பச்சை, வெண்சாம்பல் நிறம், பொன் நிறம்.

எண்கள்: 3, 4, 5.

பரிகாரம்: ஆஞ்சநேயர், விநாயகரை வழிபடவும்.

தனுசு ராசி வாசகர்களே

உங்கள் ராசிக்கு 3-ல் கேது, 9-ல் சுக்கிரன் உலவுவது சிறப்பு. தொலைதூரத் தொடர்பு பயன்படும். கலைத்துறையினருக்குப் புதிய ஒப்பந்தங்கள் கைக்கு வந்து சேரும். கணவன்- மனைவி உறவு நிலை திருப்தி தரும். கூட்டுத் தொழில் லாபம் தரும். பெண்களுக்கு மன உற்சாகம் பெருகும். புதிய ஆடை, அணிமணிகள் சேரும். ஆன்மிகவாதிகளுக்கு மதிப்பு உயரும். செவ்வாய், குரு, சனி ஆகிய முக்கியக் கிரகங்களின் சஞ்சாரம் சிறப்பாக இல்லாததால் பொருளாதாரம் சம்பந்தமான காரியங்களில் விழிப்புத் தேவை. உத்தியோகஸ்தர்கள், அரசியல்வாதிகள், அரசுப் பணியாளர்கள், ஆசிரியர்கள் ஆகியோர் பொறுப்புடன் செயல்படுவது நல்லது. இயந்திரப் பணியாளர்கள், இன்ஜினீயர்கள், விவசாயிகள், தொழிலாளர்கள் விழிப்புடன் காரியமாற்றினால் சங்கடங்களுக்கு ஆளாகாமல் தப்பலாம்.

அதிர்ஷ்டமான தேதிகள்: ஆகஸ்ட் 4, 7, 8, 10 (காலை).

திசைகள்: வட மேற்கு, தென் கிழக்கு.

நிறங்கள்: மெரூன், இள நீலம், வெண்மை.

எண்கள்: 6, 7.

பரிகாரம்: சிவ வழிபாடு நலம் தரும்.

மகர ராசி வாசகர்களே

உங்கள் ராசிக்கு 8-ல் புதனும்; சுக்கிரனும், 9-ல் குருவும், 11-ல் செவ்வாயும்; சனியும் உலவுவது சிறப்பு. பொருளாதார நிலையில் வளர்ச்சி காண வாய்ப்புக் கூடிவரும். எதிர்பாராத பொருட் சேர்க்கை நிகழும். தொலைதூரத்திலிருந்து நல்ல தகவல் வந்து சேரும். தெய்வ தரிசனமும் சாது தரிசனமும் கிடைக்கும். நல்லவர்கள் உதவி புரிய முன்வருவார்கள். பெற்றோரால் அனுகூலம் உண்டாகும். உத்தியோகஸ்தர்களுக்குப் பிரச்சினைகள் விலகி, நல்ல திருப்பம் உண்டாகும். புதிய முயற்சிகள் கைகூடும். கலைஞர்களுக்கு வரவேற்பு அதிகரிக்கும். வியாபாரம், கணிதம், எழுத்து, பத்திரிகை, தரகு ஆகிய தொழிலைச் சேர்ந்தவர்கள் செழிப்பான பாதையைக் காண்பார்கள். இயந்திரப் பணிகள் லாபம் தரும். நிலபுலங்கள் மூலம் ஆதாயம் கிடைக்கும். சிறுசிறு இடர்ப்பாடுகள் ஏற்படும் என்றாலும் குருபலத்தால் சமாளிப்பீர்கள்.

அதிர்ஷ்டமான தேதிகள்: ஆகஸ்ட் 7, 8, 10 (காலை).

திசைகள்: தென் கிழக்கு, வடக்கு, வட கிழக்கு.

நிறங்கள்: நீலம், பச்சை, பொன் நிறம்.

எண்கள்: 3, 5, 6, 8, 9.

பரிகாரம்: நாகர் வழிபாடு செய்வது நல்லது.

கும்ப ராசி வாசகர்களே

உங்கள் ராசிக்கு 6-ல் சூரியனும், 10-ல் செவ்வாய்; சனி ஆகியோர் உலவுவது சிறப்பு. நிர்வாகத் திறமையால் ஓரிரு சாதனைகளை ஆற்றுவீர்கள். அரசு உதவி கிடைக்கும். மேலதிகாரிகளால் நலம் உண்டாகும். பிதுரார்ஜிதச் சொத்துகள் சேரும். எலெக்ட்ரானிக், எலெக்ட்ரிக்கல், கம்ப்யூட்டர் இனங்களால் லாபம் கிடைக்கும். இயந்திரப்பணியாளர்கள், இன்ஜினீயர்களின் நிலை உயரும். நிலபுலங்கள் சேரும். பொதுப்பணியாளர்கள் புகழ் பெறுவார்கள். இதர கிரகங்களின் சஞ்சாரம் சிறப்பாக இல்லை. எனவே பொருள் கொடுக்கல்-வாங்கலில் கவனம் தேவை. கணவன்-மனைவி இடையே கருத்து வேறுபாடுகள் ஏற்படும். கலைஞர்கள், மாதர்கள் விழிப்புடன் இருப்பது நல்லது. ஆசிரியர்கள், பேராசிரியர்கள், உத்தியோகஸ்தர்களுக்குப் பிரச்சினைகள் சூழும். கூட்டுத் தொழிலில் கவனம் தேவை.

அதிர்ஷ்டமான தேதிகள்: ஆகஸ்ட் 4, 10 (காலை).

திசைகள்: தெற்கு, கிழக்கு.

நிறங்கள்: சிவப்பு, ஆரஞ்சு.

எண்கள்: 1, 8, 9.

பரிகாரம்: குரு, ராகு, கேதுவுக்கு அர்ச்சனை, ஆராதனைகளைச் செய்வது நல்லது.

மீன ராசி வாசகர்களே

உங்கள் ராசிக்கு 6-ல் புதனும்; ராகுவும், 7-ல் குருவும் உலவுவது சிறப்பு. உடல் நலம் சீராகும். செல்வாக்கும் மதிப்பும் உயரும். வியாபார நுணுக்கம் தெரிய வரும். ஆராய்ச்சிகளில் ஈடுபாடு கூடும். கணிதம், எழுத்து, பத்திரிகை, சிற்பம், ஓவியம், தரகு போன்ற இனங்கள் ஆக்கம் தரும். பயணத்தின் மூலம் முக்கியமான காரியங்கள் நிறைவேறும். வெளிநாட்டுத் தொடர்பு பயன்படும். வழக்கு, வியாஜ்ஜியங்களில் நல்ல திருப்பம் ஏற்படும். நல்லவர்கள் உங்களுக்குப் பக்கபலமாக இருப்பார்கள். உத்தியோகஸ்தர்களது நிலை உயரும். சூரியன், சுக்கிரன் ஆகியோர் அனுகூலமாக இல்லாததால் அரசு விவகாரங்களில் விழிப்புத் தேவை. தந்தையாலும், வாழ்க்கைத்துணைவியாலும் சில இடர்ப்பாடுகள் ஏற்படும். வயிறு சம்பந்தமான உபாதைகள் உண்டாகும். பெண்களால் சங்கடங்கள் ஏற்படும். கலைஞர்கள் விழிப்புடன் இருப்பது நல்லது

அதிர்ஷ்டமான தேதிகள்: ஆகஸ்ட் 4, 7, 8 (பகல்).

திசைகள்: வடக்கு, தென் மேற்கு, வட கிழக்கு.

நிறங்கள்: பச்சை, புகை நிறம், பொன் நிறம்.

எண்கள்: 3, 4, 5.

பரிகாரம்: ஏழைப் பெண்களுக்கு உதவி செய்யவும்.