வார ராசிபலன் 25-06-2015 முதல் 1-07-2015 வரை (மேஷம் முதல் கன்னி வரை)

மேஷ ராசி வாசகர்கர்களே

உங்கள் ராசிக்கு அதிபதி செவ்வாய் 3-ல் சூரியனுடன் கூடி உலவுவது விசேஷமாகும். புதன், சுக்கிரன், ராகுவின் சஞ்சாரமும் அனுகூலமாக இருப்பதால் எதிர்ப்புக்களைக் கடந்து வாழ்வில் முன்னேறுவீர்கள். வழக்குகளில் வெற்றி கிட்டும். உடல்நலம் சீராகும். சுறுசுறுப்புடன் செயல்படுவீர்கள். எடுத்த காரியங்களில் வெற்றி காணச் சந்தர்ப்பம் அமையும். அரசு உதவி கிடைக்கும். எழுத்தாளர்கள், பத்திரிகையாளர்களுக்கு வரவேற்பு கூடும். கலைஞர்கள் சுபிட்சம் காண்பார்கள். இயந்திரப் பணிகள் லாபம் தரும்.

முக்கியஸ்தர்களின் தொடர்பால் பயன் பெறுவீர்கள். வியாபாரிகளுக்கு லாபம் கூடும். மாணவர்களது திறமை பளிச்சிடும். பேச்சாற்றல் கூடும். பெண்களால் அனுகூலம் உண்டாகும். நிலம், மனை, வீடு, வாகனம் போன்ற சொத்துகள் சேரும். வாரப் பின்பகுதியில் சிறுசிறு பிரச்சினை கள் ஏற்படும். என்றாலும் சமாளிப்பீர்கள். 28-ம் தேதி முதல் புதன் 3-ம் இடம் மாறுவது சிறப்பாகாது. உடல்நலனில் கவனம் தேவை. வியாபாரத்தில் அதிக கவனம் தேவை.

அதிர்ஷ்டமான தேதிகள்: ஜூன் 26, 27.

திசைகள்: தென்மேற்கு, தென்கிழக்கு, வடக்கு, கிழக்கு, தெற்கு.

நிறங்கள்: சிவப்பு, ஆரஞ்சு, புகை நிறம், இளநீலம், வெண்மை, பச்சை.

எண்கள்: 1, 4, 5, 6, 9.

பரிகாரம்:

சக்தி வழிபாடு நலம் தரும்.

ரிஷப ராசி வாசகர்களே

உங்கள் ராசிநாதன் சுக்கிரன் 3-லும், கேது 11-லும் உலவுவது சிறப்பு. சனி 6-ல் இருப்பதும் நல்லது. இதனால் மதிப்பும் அந்தஸ்தும் உயரும். முக்கியமான தகவல் வந்து சேரும். கலைத்துறையினருக்கு வெற்றி வாய்ப்புகள் அதிகரிக்கும். பெண்களின் நோக்கம் நிறைவேறும். புதிய ஆடை, அணிமணிகளின் சேர்க்கை நிகழும். சமுதாய நலப் பணியாளர்களுக்கு நற்பெயர் கிடைக்கும். ஆன்மிகவாதிகளுக்கு அனுகூலமான போக்கு நிலவிவரும். 2-ல் சூரியனும் செவ்வாயும் இருப்பதால் வீண்வம்பு, சண்டைகளைத் தவிர்க்கவும்.

3-ல் குருவும், 5-ல் ராகுவும் இருப்பதால் பிள்ளைகளின் நடத்தையில் கவனம் தேவை. பொருளாதாரம் சம்பந்தமான பிரச்சினைகள் ஏற்படும். நண்பர்கள், உறவினர்களால் சிறுசிறு சங்கடங்கள் உண்டாகும். பக்குவமாகச் சமாளிப்பது நல்லது. 28-ம் தேதி முதல் புதன் 2-ம் இடம் மாறுவதால் பணப் புழக்கம் சற்று அதிகரிக்கும். மக்களால் அளவோடு நலம் உண்டாகும். மாணவர்கள் வளர்ச்சி காண வழிபிறக்கும்.

அதிர்ஷ்டமான தேதிகள்: ஜூன் 26, 27, 29.

திசைகள்: வடமேற்கு, தென்கிழக்கு.

நிறங்கள்: மெரூன், வெண்மை, இளநீலம்.

எண்கள்: 6, 7.

பரிகாரம்:

துர்கையம்மனை வழிபடுவது நல்லது.

மிதுன ராசி வாசகர்களே

உங்கள் ராசிக்கு 2-ல் குருவும் சுக்கிரனும், 10-ல் கேதுவும் உலவுவதால் அலைச்சலும் உழைப்பும் அதிகரிக்கும். இருந்தாலும் அதற்கான பயனும் கிடைத்துவரும். நல்ல இடத்துக்கு மாற்றம் உண்டாகும். குடும்பத்தில் குதூகலம் நிறைந்திருக்கும். பிள்ளைகளாலும், வாழ்க்கைத் துணைவராலும் அனுகூலம் ஏற்படும். திடீர் பொருள் வரவு உண்டாகும். மனதில் தெளிவும் நம்பிக்கையும் கூடும். முக்கியமான எண்ணங்கள் எளிதில் நிறைவேறும். தெய்வப் பணிகள் ஈடேறும். நல்லவர்கள் ஆதரவாக இருப்பார்கள். குடும்பத்தாரால் அனுகூலம் உண்டாகும்.

பேச்சாற்றல் வெளிப்படும். திரவப் பொருட்கள் லாபம் தரும். ஜன்ம ராசியில் சூரியனும் செவ்வாயும் இருப்பதால் உஷணாதிக்கம் கூடும். எதிலும் பதற்றப்படாமல் நிதானமாக ஈடுபடுவது நல்லது. 28-ம் தேதி முதல் இதுவரையிலும் 12-ல் உலவிக்கொண்டிருந்த புதன், ஜன்ம ராசிக்கு மாறுவதால் வியாபாரிகளுக்கு மந்த நிலை விலகும். மாணவர்களுக்கு முன்னேற்றமான பாதை தெரியவரும்.

அதிர்ஷ்டமான தேதிகள்: ஜூன் 26, 27, 29.

திசைகள்: தென்கிழக்கு, வடகிழக்கு, வடமேற்கு.

நிறங்கள்: பொன் நிறம், வான் நீலம், மெரூன்.

எண்கள்: 3, 6, 7.

பரிகாரம்:

திருமால், ஆஞ்சநேயரை வழிபடுவது நல்லது.

கடக ராசி வாசகர்களே

உங்கள் ஜன்ம ராசியில் சுக்கிரனும், 3-ல் ராகுவும், 11-ல் புதனும் உலவுவதால் நூதன பொருட்சேர்க்கை நிகழும். புதியவர்கள் அறிமுகமாவதுடன் உதவவும் செய்வார்கள். வெளியூர், வெளிநாட்டுத் தொடர்புகள் பயன்படும். கலைத்துறையினருக்கு வரவேற்பு கூடும். கணவன் மனைவி உறவு நிலை திருப்தி தரும். கணிதம், எழுத்து, பத்திரிகை, சிற்பம், ஓவியம், தரகு, கமிஷன் ஏஜன்ஸி போன்ற துறைகள் லாபம் தரும். 4-ல் சனியும், 9-ல் கேதுவும் இருப்பதால் பெற்றோர் நலனில் கவனம் தேவை.

12-ல் சூரியனும் செவ்வாயும் இருப்பதால் உஷ்ணாதிக்கம் அதிகமாகும். குடும்பத்தில் சலசலப்புகள் ஏற்படும். அரசு விவகாரங்களில் விழிப்புத் தேவை. இயந்திரப்பணியாளர்களுக்கும் இன்ஜினீயர்களுக்கும் முன்னேற்றம் தடைபடும். செய்து வரும் தொழிலில் அலட்சியம் கூடாது. 28-ம் தேதி முதல் புதன் 12-ம் இடம் மாறுவதால் செலவுகள் மேலும் கூடும். சிக்கனம் தேவை. வியாபாரிகள் அகலக்கால் வைக்கலாகாது. இடமாற்றம் சிலருக்கு ஏற்படும்.

அதிர்ஷ்டமான தேதிகள்: ஜூன் 26, 27, 29.

திசைகள்: தென்மேற்கு, வடக்கு, தென்கிழக்கு.

நிறங்கள்: புகை நிறம், இளநீலம், பச்சை.

எண்கள்: 4, 5, 6.

பரிகாரம்:

ஆஞ்சநேயரை வழிபடவும். ஆதரவற்றவர்கள், ஏழைகளுக்கு உதவவும்.

சிம்ம ராசி வாசகர்களே

உங்கள் ராசிக்கு 3-ல் சனியும், 10-ல் புதனும், 11-ல் சூரியனும் செவ்வாயும், 12-ல் சுக்கிரனும் உலவுவதால் துணிச்சலான காரியங்களில் ஈடுபட்டு வெற்றி பெறுவீர்கள். எதிரிகள் அடங்கிப் போவார்கள். போட்டிப் பந்தயங்களில் ஈடுபாடு உள்ளவர்கள் வெற்றி காண்பார்கள். உடல் ஆரோக்கியம் சீராகும். மதிப்பும் அந்தஸ்தும் உயரும். பொது நல முன்னேற்றப் பணிகளில் ஈடுபாடு கூடும். நண்பர்களும் உறவினர்களும் உதவி புரிவார்கள்.

அரசு விவகாரங்கள் ஆக்கம் தரும். முக்கியஸ்தர்களின் தொடர்பு பயன்படும். வாழ்க்கை வசதிகள் பெருகும். பொறியியல், சட்டம், காவல், ராணுவம் போன்ற துறைகளைச் சேர்ந்தவர்கள் சாதனை பல ஆற்றுவார்கள். நிலம், மனை, வீடு, வாகனங்கள் சேரும். சொத்துகளால் ஆதாயமும் கிடைத்துவரும். 28-ம் தேதி முதல் புதன் 11-ம் இடம் மாறுவதால் முக்கியமான எண்ணங்கள் ஈடேறும். தாய் வழி உறவினரால் நலம் பெருகும்.

அதிர்ஷ்டமான தேதிகள்: ஜூன் 26, 27, 29.

திசைகள்: தென்கிழக்கு, வடக்கு, தெற்கு, கிழக்கு, மேற்கு.

நிறங்கள்: இளநீலம், சிவப்பு, பச்சை, ஆரஞ்சு.

எண்கள்: 1, 5, 6, 9.

பரிகாரம்:

ராகு, கேதுவுக்காக துர்கையையும் விநாயகரையும் வழிபடுவது அவசியம்.

கன்னி ராசி வாசகர்களே

உங்கள் ராசிக்கு 10-ல் சூரியன், செவ்வாயும், 11-ல் குருவும் சுக்கிரனும் உலவுவது விசேஷமாகும். செயலில் வேகம் கூடும். நிர்வாகத்திறமை அதிகரிக்கும். அரசு சம்பந்தமான காரியங்கள் இப்போது நிறைவேறும். முக்கியமானவர்கள் உதவுவார்கள். உடன்பிறந்தவர்களால் நலம் ஏற்படும். தொழில் ரீதியாக நல்ல மாற்றம் உண்டாகும். ஒன்றுக்கும் மேற்பட்ட துறைகளில் ஆதாயம் வந்து சேரும். நிலம், மனை, வீடு, வாகனம் போன்ற சொத்துகளின் சேர்க்கையோ, அவற்றால் ஆதாயமோ கிடைக்கும். எதிரிகள் ஏமாந்து போவார்கள். வழக்குகளிலும், போட்டிப் பந்தயங்களிலும் வெற்றி கிட்டும்.

கடல் வாணிபத்தில் அதிக லாபம் கிடைக்கும். 28-ம் தேதி முதல் புதன் 10-ம் இடம் மாறுவதால் வியாபாரம், கணிதம், எழுத்து, பத்திரிகை போன்ற துறைகளைச் சேர்ந்தவர்களுக்குச் செழிப்பான சூழ்நிலை உருவாகும். வேலையில்லாதவர்களுக்குத் நல்லதொரு வாய்ப்புக் கூடிவரும். மதிப்பும் அந்தஸ்தும் உயரும். முக்கியமான காரியங்கள் நிறைவேறச் சந்தர்ப்பம் உருவாகும்.

அதிர்ஷ்டமான தேதிகள்: ஜூன் 26, 27, 29.

திசைகள்: கிழக்கு, தெற்கு, வடகிழக்கு, தென்கிழக்கு.

நிறங்கள்: சிவப்பு, வெண்மை, நீலம், பொன் நிறம்.

எண்கள்: 1, 3, 6, 9.

பரிகாரம்:

நாகர் வழிபாடு நல்லது.