வார ராசிபலன் 19-11-2015 முதல் 25-11-2015 வரை (துலாம் முதல் மீனம் வரை)

துலாம் ராசி வாசகர்களே,

உங்கள் ராசிக்கு 2-ல் புதனும் 11-ல் குருவும் உலவுவது விசேடமாகும். இதனால் பொருளாதார நிலையில் விசேடமான வளர்ச்சியைக் காண வழிபிறக்கும். முக்கியமான எண்ணங்கள் எளிதில் நிறைவேறும். எதிரிகள் கட்டுக்குள் அடங்கியே இருப்பார்கள். வியாபாரம் லாபம் தரும். மாணவர்களது நோக்கம் நிறைவேறும். உத்தியோகஸ்தர்கள் தங்கள் நிலைமையில் வளர்ச்சி காண்பார்கள்.

மக்களால் அனுகூலம் ஏற்படும். வங்கிகள், சேமிப்பு நிறுவனங்கள் மற்றும் பொருளாதாரம் சம்பந்தமான இனங்கள் ஆக்கம் தரும். பொன்னும் பொருளும் சேரும். நீண்ட நாளைய எண்ணங்கள் ஈடேறும். 12-ல் செவ்வாயும் ராகுவும் இருப்பதால் எதிர்பாராத செலவுகளும் ஏற்படும். பயணத்தின்போதும், இயந்திரங்களில் பணிபுரியும்போதும் விளையாட்டு விநோதங்களில் ஈடுபடும்போதும் பாதுகாப்பு நடவடிக்கைகளை மேற்கொள்வது நல்லது.

அதிர்ஷ்டமான தேதிகள்: நவம்பர் 22, 23.

திசைகள்: வடமேற்கு, வடகிழக்கு, தென்கிழக்கு, வடக்கு.

நிறங்கள்: மெரூன், இள நீலம், வெண்மை, பொன் நிறம், பச்சை.

எண்கள்: 3, 5, 6, 7.

பரிகாரம்: செவ்வாய், ராகு ஆகியோருக்கு அர்ச்சனை செய்வது நல்லது.

விருச்சிக ராசி வாசகர்களே,

உங்கள் ராசிநாதன் செவ்வாய் 11-ல் சுக்கிரன், ராகு ஆகியோருடன் கூடி இருப்பது விசேடமாகும். திட, வீர, பராக்கிரமம் வெளிப்படும். புதிய சொத்துக்கள் சேரும். சொத்துகளால் ஆதாயமும் கிடைக்கும். நண்பர்களும் உறவினர்களும் உதவி புரிவார்கள். இயந்திரப்பணிகள் லாபம் தரும். போக்குவரத்து மற்றும் பயணம் சார்ந்த இனங்களால் ஆதாயம் கிடைக்கும்.

வெளியூர், வெளிநாட்டுத் தொடர்புகள் பயன்படும். நூதனப் பொருட்களின் சேர்க்கை நிகழும். 5-ல் கேதுவும், 10-ல் குருவும் இருப்பதால் மக்கள் நலனில் கவனம் செலுத்த வேண்டிவரும். ஜன்ம ராசியில் சூரியன், புதன், சனி ஆகியோர் ஜன்ம ராசியில் உலவுவதால் அதிகம் உழைக்க வேண்டிவரும். தலை சம்பந்தமான உபாதைகள் ஏற்படும். வியாபாரிகள், தொழிலாளர்கள், அரசுப்பணியாளர்கள் ஆகியோர் பொறுப்புடன் காரியமாற்றுவது நல்லது.

அதிர்ஷ்டமான தேதிகள்: நவம்பர் 22, 23.

திசைகள்: தென்மேற்கு, தெற்கு, தென்கிழக்கு.

நிறங்கள்: சிவப்பு, வெண்சாம்பல் நிறம், இளநீலம்.

எண்கள்: 4, 6, 9.

பரிகாரம்: சனிக்கும் கேதுவுக்கும் பிரீதி, பரிகாரங்களைச் செய்து கொள்ளவும்.

தனுசு ராசி வாசகர்களே,

உங்கள் ராசிக்கு 9-ல் குருவும், 10-ல் செவ்வாய், ராகு ஆகியோரும் உலவுவது சிறப்பாகும். முன்னேற்றத்துக்கான தகவல் ஒன்று வந்து சேரும். உடன்பிறந்தவர்களால் உங்களுக்கும் உங்களால் அவர்களுக்கும் அனுகூலம் ஏற்படும். செய்து வரும் தொழிலில் சீரான வளர்ச்சியைக் காணலாம். பண நடமாட்டம் திருப்தி தரும். பயணத்தால் அனுகூலம் உண்டாகும். 4-ல் கேது இருப்பதால் நண்பர்கள், உறவினர்களால் நில இடர்ப்பாடுகள் ஏற்படும். தாய் நலனில் கவனம் செலுத்த வேண்டிவரும்.

மனத்துக்கினியதொரு சம்பவம் நிகழும். 12-ல் சூரியன், புதன், சனி ஆகியோர் இருப்பதால் சிலருக்கு இடமாற்றம் உண்டாகும். வெளிநாடு செல்லவும் வாய்ப்பு உருவாகும். சுபகாரியச் செலவுகள் சற்று அதிகரிக்கும். வியாபாரிகள், அரசுப்பணியாளர்கள், தொழிலாளர்கள் ஆகியோர் பொறுப்புடன் செயல்படுவது நல்லது.

அதிர்ஷ்டமான தேதிகள்: நவம்பர் 22, 23, 25.

திசைகள்: தென்மேற்கு, வடகிழக்கு, தெற்கு.. .

நிறங்கள்: புகை நிறம். பொன் நிறம், சிவப்பு.. .

எண்கள்: 3, 4, 9. .

பரிகாரம்: விநாயகரை வழிபடவும்.

மகர ராசி வாசகர்களே,

உங்கள் ராசிநாதன் சனி லாப ஸ்தானத்தில் சூரியன், புதன் ஆகியோருடன் கூடியிருப்பது சிறப்பாகும். சுக்கிரன், கேது ஆகியோரும் சாதகமாக உலவுவதால் பண நடமாட்டம் அதிகரிக்கும். குடும்பத்தில் அமைதி காணலாம். போட்டிகளில் வெற்றி கிட்டும். உடன்பிறந்தவர்கள் ஓரளவு உதவுவார்கள். தந்தையாலும், அரசாங்கத்தாராலும் அனுகூலம் உண்டாகும்.

புதிய பொருட்களின் சேர்க்கை நிகழும். ஒன்றுக்கு மேற்பட்ட இனங்களால் ஆதாயம் கிடைத்துவரும். 8-ல் குரு இருப்பதால் பொருளாதாரம் சம்பந்தப்பட்ட இனங்களில் விழிப்புத் தேவை. மக்கள் நலனில் அக்கறை செலுத்த வேண்டிவரும். உத்தியோகஸ்தர்களும் தொழில் அதிபர்களும் ஆசிரியர்களும் பொறுப்புணர்ந்து காரியமாற்றுவதன் மூலம் சரிவுக்கு ஆளாகாமல் தப்பலாம். பெரியவர்களின் அதிருப்திக்கு ஆளாகாமல் இருப்பது நல்லது.

அதிர்ஷ்டமான தேதிகள்:, நவம்பர் 22, 23, 25.

திசைகள்: மேற்கு, வடமேற்கு, வடக்கு, தென்கிழக்கு, கிழக்கு.

நிறங்கள்: பச்சை, நீலம், மெரூன், ஆரஞ்சு.

எண்கள்: 1, 5, 6, 7, 8.

பரிகாரம்: குருவுக்கு அர்ச்சனை, ஆராதனைகள் செய்வது நல்லது.

கும்ப ராசி வாசகர்களே,

உங்கள் ராசிக்கு 7-ல் குருவும் 8-ல் சுக்கிரனும் 10-ல் சூரியனும் புதனும் சனியும் உலவுவது சிறப்பாகும். வாழ்வில் முன்னேற்றம் காண நல்ல வாய்ப்புகள் கூடிவரும். பண வரவு அதிகமாகும். புதிய பதவி, பட்டங்கள் கிடைக்கும். மற்றவர்கள் உங்களைப் போற்றுவார்கள். முக்கியமான எண்ணங்கள் இப்போது நிறைவேறும். அரசுப்பணிகள் ஆக்கம் தரும்.

திருமணம் போன்ற சுப காரியங்கள் நிகழ வாய்ப்புக் கூடிவரும். கூட்டுத் தொழில் லாபம் தரும். சொந்தத் தொழிலிலும் வளர்ச்சி காண வழிபிறக்கும். 2-ல் கேதுவும் 8-ல் செவ்வாயும் ராகுவும் உலவுவதால் பேச்சிலும் செயலிலும் நிதானம் தேவை. வீண் சண்டை, சச்சரவுகளைத் தவிர்ப்பது அவசியமாகும். உடன்பிறந்தவர்களுக்கும் உங்களுக்கும் இடையே கருத்து வேறுபாடுகள் உண்டாகும். பயணத்தின்போதும் விளையாட்டுகளில் ஈடுபடும்போதும் பாதுகாப்பு தேவை.

அதிர்ஷ்டமான தேதிகள்: நவம்பர் 22, 23, 25.

திசைகள்: வடகிழக்கு, மேற்கு, வடக்கு, தென்கிழக்கு.

நிறங்கள்: பச்சை, நீலம், பொன் நிறம்,.

எண்கள்: 1, 3, 5, 6, 8 .

பரிகாரம்: சர்ப்ப சாந்தி செய்து கொள்வதுடன் திருமுருகனை வழிபடவும்.

மீன ராசி வாசகர்களே,

கோசாரப்படி கிரக நிலை சிறப்பாக இல்லாததால் எதிலும் ஒருமுறைக்குப் பலமுறை யோசித்து ஈடுபடுவது நல்லது. பொருள் கொடுக்கல்-வாங்கலில் விழிப்புத் தேவை. கோபத்தைக் குறைத்துக் கொள்வது அவசியமாகும். உடல் ஆரோக்கியம் கவனிக்கப்பட வேண்டிவரும். மதிப்பும் அந்தஸ்தும் குறையும். பிறரிடம் சுமுகமாகப் பழகுவது நல்லது. வீண் விவகாரங்களில் தலையிடலாகாது.

வாரப் பின்பகுதியில் சந்திரன் 2-மிடத்தில் உலவும் நிலை அமைவதாலும், குருவின் பார்வையைப் பெறுவதாலும் பண வரவு சற்றுக் கூடும். குடும்பத்தாரால் ஓரளவு அனுகூலம் ஏற்படும். முக்கியமான ஓரிரு எண்ணங்களும் நிறைவேறும். செய்து வரும் தொழில் எதுவானாலும் அதில் முழுக்கவனம் செலுத்தி, அயராது பாடுபட்டால் தான் முன்னேற்றம் காணமுடியும். அலட்சியப் போக்கு அடியோடு கூடாது. ஜாஜக பலமும் குறைந்திருப்பவர்களுக்கு சங்கடங்கள் என்பவை கூடவே செய்யும்.

நவம்பர் 22, 23, 25 தேதிகள் சுமாரானவை.

திசை: தெற்கும் வடகிழக்கும், வடமேற்கும் பொதுவில் நலம் தரும்.

நிறங்கள்: வெண்மை, சிவப்பு.

எண்கள்: 2, 9.

பரிகாரம்: நவக்கிரக வழிபாடு நலம் தரும். கோளாறு திருப்பதிகம் வாசிக்கவும்.