வார ராசி பலன் 21-05-2015 முதல் 27-05-2015 வரை (துலாம் முதல் மீனம் வரை)

துலாம் ராசி வாசகர்களே

உங்கள் ராசிக்கு 6-ல் கேதுவும், 8-ல் புதனும், 9-ல் சுக்கிரனும் சஞ்சரிப்பதால் தொலைதூரத் தொடர்பு பயன்படும். நல்ல தகவல் வந்து சேரும். சினிமா, நாடகம், நாட்டியம், சங்கீதம் போன்ற கலைத்துறைகள் ஆக்கம் தரும். பெண்களால் அனுகூலம் உண்டாகும். தொழிலில் சீரான வளர்ச்சியைக் காணலாம். பொருள் வரவு சற்று அதிகரிக்கும். மன உற்சாகம் பெருகும். கேளிக்கை, உல்லாசங்களில் ஈடுபாடு கூடும்.

வியாபாரத்தில் வளர்ச்சி காணலாம். திரவப் பொருட்கள் லாபம் தரும். முக்கியமான எண்ணங்களில் சில இப்போது நிறைவேறும். புதிய பொருட்களின் சேர்க்கை நிகழும். நல்லவர்கள் ஆதரவாக இருப்பார்கள். அரசியல், நிர்வாகம், பொறியியல் போன்ற துறைகளைச் சேர்ந்தவர்கள் பொறுப்புடன் செயல்பட்டால் சங்கடங்களைத் தவிர்க்கலாம்.

அதிர்ஷ்டமான தேதிகள்: மே 22, 23, 27 (பகல்).

திசைகள்: வடமேற்கு, வடக்கு, தென்கிழக்கு.

நிறங்கள்: மெரூன், பச்சை, இளநீலம், வெண்மை.

எண்கள்: 5, 6, 7.

பரிகாரம்: ஆதித்ய ஹ்ருதயம், கந்த சஷ்டி கவசம் படிப்பது நல்லது. துர்க்கையை வழிபடவும்.

விருச்சிக ராசி வாசகர்களே

உங்கள் ராசிக்கு 8-ல் சுக்கிரனும், 9-ல் குருவும், 11-ல் ராகுவும் உலவுவது விசேஷமாகும். குடும்பத்தில் குதூகலம் கூடும். எதிர்பாராத பொருட்சேர்க்கை நிகழும். பேச்சில் இனிமை கூடும். தொலைதூரத் தொடர்பு பயன்படும். தெய்வ தரிசனமும் சாது தரிசனமும் கிடைக்கும். திரவப் பொருட்கள் லாபம் தரும். புதிய ஆடை, அணிமணிகள், அலங்காரப் பொருட்களின் சேர்க்கை நிகழும்.

செய்து வரும் தொழில் அபிவிருத்தி அடையும். புதிய பதவி, பட்டங்கள் தேடிவரும். கலைத் துறையினருக்கு நல்ல வாய்ப்புகள் கூடிவரும். பெண்களின் நிலை உயரும். செல்வாக்கும் மதிப்பும் கூடும். நல்லவர்கள் நலம் புரிவார்கள். நற்பணிகளில் ஈடுபாடு கூடும். பிள்ளைகள், வாழ்க்கைத்துணை, பங்குதாரர்களால் சிறுசிறு பிரச்சினைகள் ஏற்பட்டு விலகும். வெளிநாட்டுக்குச் சென்று தொழில் புரிய சிலருக்கு வாய்ப்புக் கூடிவரும்.

அதிர்ஷ்டமான தேதிகள்: மே 23, 27.

திசைகள்: தென்மேற்கு, வடகிழக்கு, தென்கிழக்கு.

நிறங்கள்: வெண்சாம்பல் நிறம், பொன் நிறம், வான் நீலம்.

எண்கள்: 3, 4, 6.

பரிகாரம்: ஜன்மச்சனிக்கு அர்ச்சனை செய்யவும்.

தனுசு ராசி வாசகர்களே

உங்கள் ராசிக்கு 6-ல் சூரியனும், செவ்வாயும், புதனும், 10-ல் ராகுவும் உலவுவது சிறப்பு. அரசு சம்பந்தமான காரியங்கள் இப்போது நிறைவேறும். நிர்வாக ஆற்றல் வெளிப்படும். எதிரிகள் அடங்குவார்கள். வழக்கில் வெற்றி கிடைக்கும். இயந்திரங்கள், எரிபொருட்கள், மின்சாதனங்கள், வாசனைத் திரவியங்கள் லாபம் தரும்.

பொறியியல், சட்டம், காவல், ராணுவம் ஆகிய துறைகளைச் சேர்ந்தவர்கள் சாதனை பல ஆற்றுவார்கள். பயணத்தால் அனுகூலம் உண்டாகும். புதியவர்களின் நட்புறவு கிடைக்கும். 4-ல் கேதுவும், 8-ல் குருவும், 12-ல் சனியும் இருப்பதால் உடல் நலம் ஒருநாள் போல் மறுநாளிராது. தாய் நலனில் கவனம் செலுத்த வேண்டிவரும். பிள்ளைகள் நலனில் கவனம் தேவை. வேலையாட்களால் தொல்லைகள் சூழும். உத்தியோகஸ்தர்கள் கடமைகளைச் சரிவர ஆற்றவேண்டும்.

அதிர்ஷ்டமான தேதிகள்: மே 22 (பகல்), 27.

திசைகள்: தென்மேற்கு, தெற்கு, கிழக்கு, வடக்கு.

நிறங்கள்: சிவப்பு, புகை நிறம். ஆரஞ்சு, பச்சை.

எண்கள்: 1, 4, 5, 9.

பரிகாரம்: கேது, குரு, சனிக்கு அர்ச்சனை, ஆராதனைகள் செய்யவும்.

மகர ராசி வாசகர்களே

உங்கள் ராசிக்கு 3-ல் கேதுவும், 7-ல் குருவும், 11-ல் சனியும் உலவுவதால் எதிர்ப்புகள் குறையும். ஆன்மிகப் பணிகளில் ஈடுபாடு கூடும். பொருளாதார நிலை உயரும். பெரியவர்களும் தனவந்தர்களும் பக்கபலமாக இருப்பார்கள். உத்தியோகஸ்தர்களது நிலை உயரும். தொழிலாளர்கள், விவசாயிகளுக்கு முன்னேற்றமான சூழ்நிலை நிலவிவரும். இரும்பு, எஃகு, எண்ணெய் தொழில் லாபம் தரும்.

5-ல் சூரியனும் செவ்வாயும் புதனும் 6-ல் சுக்கிரனும் உலவுவதால் வயிறு சம்பந்தமான உபாதைகள் ஏற்படும். பிள்ளைகளாலும் வாழ்க்கைத் துணைவராலும் சிறுசிறு பிரச்சினைகள் ஏற்படும். கலைஞர்கள், மாதர்களுக்கு எதிர்ப்புகள் இருக்கும். பக்குவமாகச் சமாளிப்பது நல்லது. கர்ப்பிணிப் பெண்கள் விழிப்புடன் செயல்படுவது அவசியம்.

அதிர்ஷ்டமான தேதிகள்: மே 22, 23.

திசைகள்: மேற்கு, வடமேற்கு, வடகிழக்கு.

நிறங்கள்: நீலம், மெரூன், பொன் நிறம்.

எண்கள்: 3, 5, 7, 8.

பரிகாரம்: மகாலட்சுமி அஷ்டகம் படிக்கவும் சொல்வது நல்லது. ஏழைப் பெண்களுக்கு உதவுங்கள்.

கும்ப ராசி வாசகர்களே

உங்கள் ராசிக்கு 4-ல் புதனும், 5-ல் சுக்கிரனும், 10-ல் சனியும் உலவுவது சிறப்பு. மனதிற்கினிய சம்பவங்கள் வாழ்க்கையில் நிகழும். புதிய ஆடை, அணிமணிகள் சேரும். எதிர்பாராத பொருட்சேர்க்கை நிகழும். பெண்களால் அனுகூலம் உண்டாகும். கணவன்- மனைவி உறவு நிலை திருப்தி தரும். வியாபாரிகள், எழுத்தாளர்கள், பத்திரிகையாளர்கள் நிலை உயரப் பெறுவார்கள்.

நண்பர்கள், உறவினர்களால் நலம் உண்டாகும். மாணவர்களது நிலை உயரும். கலைஞர்கள் சுபிட்சம் காண்பார்கள். தொழிலாளர்கள், விவசாயிகள், பொது நலப்பணியாளர்கள் ஆகியோர் வளர்ச்சி காண்பார்கள். குரு, ராகு, கேதுவின் சஞ்சாரம் சிறப்பாக இல்லாததால் பிள்ளைகள் நலனில் கவனம் தேவை. பொருள் கொடுக்கல்-வாங்கலில் விழிப்புத் தேவை. குடும்பத்தில் சுமுகமாகப் பேசிப் பழகுவது நல்லது. வீண் விவகாரங்களில் தலையிடலாகாது.

அதிர்ஷ்டமான தேதிகள்: மே 22, 23, 27 (முற்பகல்).

திசைகள்: தென்கிழக்கு, மேற்கு, வடக்கு.

நிறங்கள்: வெண்மை, நீலம், பச்சை.

எண்கள்: 5, 6, 8.

பரிகாரம்: குருவுக்கு நெய் விளக்கேற்றவும். முல்லை மலரால் குருவை அர்ச்சிக்கவும்.

மீன ராசி வாசகர்களே

உங்கள் ராசிநாதன் குரு வலுத்திருக்கிறார். சூரியன், செவ்வாய், சுக்கிரனின் சஞ்சாரமும் அனுகூலமாக இருப்பதால் மதிப்பும் அந்தஸ்தும் உயரும். உடல்நலம் சீராக இருந்துவரும். நல்லவர்களின் தொடர்பு நலம் தரும். கணவன்-மனைவி உறவு நிலை சீராகும். வாழ்க்கை வசதிகள் அதிகரிக்கும்.

கேளிக்கை, உல்லாசங்களில் ஈடுபாடு கூடும். நிலம், மனை, வீடு, வாகனம் போன்ற சொத்துகள் சேரும். மக்களால் பாக்கியம் உண்டாகும். திருமணம் போன்ற சுப காரியங்கள் நிகழும். திருமணம் ஆனவர்களுக்குப் புத்திர பாக்கியம் உண்டாகும். பொருளாதார நிலை திருப்தி தரும். திடீர் அதிர்ஷ்ட வாய்ப்புகள் கூடிவரும். அரசாங்க உதவி கிடைக்கும். பதவி உயர்வு, இடமாற்றம், ஊதிய உயர்வு பெறச் சந்தர்ப்பம் கூடிவரும். மன மகிழ்ச்சி பெருகும். போட்டிப் பந்தயங்களில் வெற்றி கிடைக்கும்.

அதிர்ஷ்டமான தேதிகள்: மே 22, 23, 27.

திசைகள்: தென்கிழக்கு, கிழக்கு, வடகிழக்கு, தெற்கு.

நிறங்கள்: இளநீலம், ஆரஞ்சு, சிவப்பு, பொன் நிறம்.

எண்கள்: 1, 3, 6, 9.

பரிகாரம்: சர்ப்ப சாந்தி செய்து கொள்ளவும். திருமாலை வழிபடவும்.