வார ராசி பலன் 30-04-2015 முதல் 06-05-2015 வரை (மேஷம் முதல் கன்னி வரை)

மேஷ ராசி வாசகர்களே

உங்கள் ராசிநாதன் செவ்வாய் சூரியனுடன் கூடி ஜன்ம ராசியில் வலுத்திருக்கிறார். புதனும் சுக்கிரனும் 2-ல் உலவுகிறார்கள். ராகு 6-ல் உலவுவதும் சிறப்பு. மனதிற்கினிய சம்பவங்கள் வாழ்க்கையில் நடைபெறும். பிள்ளைகளால் நலம் ஏற்படும். பணப் புழக்கம் திருப்தி தரும். கொடுக்கல்-வாங்கல் லாபம் தரும். பிற மொழி, மத, இனங்களைச் சேர்ந்தவர்கள் நலம் புரிவார்கள். பயணத்தால் அனுகூலம் உண்டாகும்.

ஆராய்ச்சியாளர்களுக்கு மதிப்பு கூடும். கணவன்-மனைவி உறவு நிலை சீராகும். வியாபாரிகளுக்கு லாபம் கூடும். கணிதம், எழுத்து, பத்திரிகைத் துறைகளைச் சேர்ந்தவர்களுக்கும் கலைஞர்களுக்கும் செழிப்பான சூழல் காணப்படும். வாரக் கடைசியில் சிறு சங்கடங்கள் ஏற்படும். உடல் ஆரோக்கியத்தில் கவனம் தேவை.

அதிர்ஷ்டமான தேதிகள்: மே. 1, 3.

திசைகள்: தென்மேற்கு, தென்கிழக்கு, வடக்கு, தெற்கு, கிழக்கு.

நிறங்கள்: புகை நிறம், சிவப்பு, இளநீலம், வெண்மை, பச்சை.

எண்கள்: 1, 4, 5, 6, 9. ‎

பரிகாரம்: சிவபெருமானையும், நவக்கிரகங்களில் சனியையும் வழிபடுவது நல்லது.

ரிஷப ராசி வாசகர்களே

உங்கள் ராசிநாதன் சுக்கிரன் பலம் பெற்றிருக்கிறார். கேது 11-ல் உலவுவது அனுகூலமாகும். இதனால் தோற்றப் பொலிவு உண்டாகும். மன மகிழ்ச்சி கூடும். கலைத் துறையினருக்கு வெற்றி வாய்ப்புகள் கூடும். பெண்களின் எண்ணம் நிறைவேறும். புதிய ஆடை, அணிமணிகளின் சேர்க்கையோ, அவற்றால் ஆதாயமோ கிடைக்கும். பண்ணைத் தொழிலில் வருமானம் அதிகமாகும்.

கணவன்-மனைவி உறவு நிலை சீராகும். 3-ல் குருவும் 5-ல் ராகுவும் உலவுவதால் பிள்ளைகள் நலனில் கவனம் தேவை. வீண் செலவுகளும் இழப்புகளும் ஏற்படும். உஷ்ணாதிக்கத்தைக் குறைத்துக் கொள்வது நல்லது. வீண்வம்பு கூடாது. கோபத்தைக் குறைத்துக் கொண்டு, பிறரிடம் சுமுகமாகப் பழகுவது அவசியம். பொருள் வரவு அதிகரிக்கும். குடும்பத்தில் நற்காரியங்கள் நிகழும். விருந்து, விழா எனச் செல்வீர்கள். கடன் கிடைக்கும்.

அதிர்ஷ்டமான தேதிகள்: மே. 1, 3, 6.

திசைகள்: வடமேற்கு, தென்கிழக்கு.

நிறங்கள்: மெரூன், வெண்மை, இளநீலம்.

எண்கள்: 6, 7.

பரிகாரம்: ராகுவுக்குப் பிரீதி, பரிகாரங்கள் செய்வது நல்லது.

மிதுன ராசி வாசகர்களே

உங்கள் ராசிக்கு 2-ல் குருவும், 6-ல் சனியும், 10-ல் கேதுவும் 11-ல் சூரியனும் செவ்வாயும் 12-ல் சுக்கிரனும் உலவுவதால் வெற்றி வாய்ப்புகள் அதிகரிக்கும். போட்டி பந்தயங்களிலும்; விளையாட்டு விநோதங்களிலும் வெற்றி கிடைக்கும். அரசாங்கத்தாரால் அனுகூலம் உண்டாகும். அரசியல்வாதிகளுக்குப் புதிய பொறுப்புகள் கிடைக்கும். நிர்வாகத் துறையினருக்கு வரவேற்பு கூடும்.

உடன்பிறந்தவர்கள் உதவுவார்கள். பொருளாதார நிலை திருப்திகரமாக இருந்துவரும். கூட்டாளிகள் ஒத்துழைப்பார்கள். ஆன்மிகத்தில் நாட்டம் உண்டாகும். கலைத் துறையினருக்கு நல்ல வாய்ப்புகள் கூடிவரும். வியாபாரிகள் அகலக் கால் வைக்க வேண்டாம். 2-ம் தேதி முதல் செவ்வாய் 12-ம் இடம் மாறுவது சிறப்பாகாது.கணவன்-மனைவி உறவு நிலை திருப்தி தரும்.

அதிர்ஷ்டமான தேதிகள்: மே 1, 3, 6.

திசைகள்: கிழக்கு, தெற்கு, தென்கிழக்கு, வடகிழக்கு.

நிறங்கள்: சிவப்பு, ஆரஞ்சு, பொன் நிறம், நீலம்.

எண்கள்: 1, 3, 6, 7, 8, 9.

பரிகாரம்: திருமாலை வழிபடவும். துர்கைக்கு நெய்தீபம் ஏற்றி, அர்ச்சனை செய்வது நல்லது.

கடக ராசி வாசகர்களே

உங்கள் ராசிக்கு 3-ல் ராகு, 10-ல் சூரியன், செவ்வாய், 11-ல் புதன் சுக்கிரன் உலவுவதால் பணப் புழக்கம் அதிகரிக்கும். குடும்பத்தில் நல்ல காரியங்கள் நிகழும். விருந்து, உபசாரங்களில் கலந்து கொண்டு மனம் மகிழ்வீர்கள். பேச்சில் திறமை கூடும். அரசியல் ஈடுபாடு ஆக்கம் தரும். நிறுவன, நிர்வாகத் துறையினருக்குச் செழிப்பான சூழ்நிலை நிலவிவரும்.

புதியவர்களது சந்திப்பால் பயன் பெறுவீர்கள். உயர்பதவி, பட்டங்கள் தேடிவரும். வேலையில்லாதவர்களுக்கு நல்லதொரு வாய்ப்புக் கூடிவரும். தந்தையாலும், உடன்பிறந்தவர்களாலும் வாழ்க்கைத்துணையாலும் நலம் உண்டாகும். புதிய சொத்துகள் சேரும். வாரக்கடைசியில் சிறுசிறு சங்கடங்கள் ஏற்படும். பிள்ளைகள் நலனில் அக்கறை தேவை. வாழ்க்கை வசதிகள் பெருகும்.

அதிர்ஷ்டமான தேதிகள்: மே 1, 3.

திசைகள்: தெற்கு, கிழக்கு, தென்மேற்கு, வடக்கு, தென்கிழக்கு.

நிறங்கள்: சிவப்பு, புகை நிறம், இளநீலம், பச்சை, ஆரஞ்சு.

எண்கள்: 1, 4, 5, 6, 9.

பரிகாரம்: சனிக்கும் கேதுவுக்கும் பிரீதி, பரிகாரங்களைத் தொடர்ந்து செய்வது நல்லது. ஆஞ்சநேயர், விநாயகரை வழிபடவும்.

சிம்ம ராசி வாசகர்களே

உங்கள் ராசிக்கு அதிபதி சூரியன் 9-ல் செவ்வாயுடன் கூடியிருப்பது சிறப்பு. புதன், சுக்கிரன் ஆகியோர் 10-ல் இருப்பதும் அனுகூலமாகும். மதிப்பும் அந்தஸ்தும் உயரும். உடல் ஆரோக்கியம் சீராகும். உயர் பதவிகளும் பொறுப்புகளும் கிடைக்கும். தொலைதூரத் தொடர்பால் நலம் உண்டாகும். தந்தையாலும், உடன்பிறந்தவர்களாலும் முக்கியமான ஓரிரு எண்ணங்கள் ஈடேறும்.

உள்கட்டுமானப் பணிகளில் ஆதாயம் கிடைக்கும். நற்காரியங்களில் ஈடுபாடு கூடும். வியாபாரம் செழிக்கும். மாணவர்கள் வளர்ச்சியைக் காண்பார்கள். புனிதமான காரியங்களில் ஈடுபாடு உண்டாகும். 3-ம் தேதி முதல் கலைஞர்களுக்கு வரவேற்பு கூடும். பெண்களின் எண்ணம் நிறைவேறும். எழுத்துத் துறையினர் முன்னேற்றம் காண்பார்கள். இயந்திரப்பணிகள் லாபம் தரும். சொத்துகள் சேரும்.

அதிர்ஷ்டமான தேதிகள்: மே 1, 3, 6.

திசைகள்: தென்கிழக்கு, வடக்கு, தெற்கு, கிழக்கு.

நிறங்கள்: இளநீலம், சிவப்பு, பச்சை, ஆரஞ்சு.

எண்கள்: 1, 5, 6, 9.

பரிகாரம்: சனி, ராகு, கேது ஆகியோருக்குத் தொடர்ந்து பிரீதி, பரிகாரங்களைச் செய்வது நல்லது. ஆஞ்சநேயர், துர்கை, விநாயகரைவழிபடவும்.

கன்னி ராசி வாசகர்களே

உங்கள் ராசிக்கு 3-ல் சனியும் 9-ல் புதனும் சுக்கிரனும் 11-ல் குருவும் உலவுவது சிறப்பு. சுப காரியங்களுக்காகச் செலவு செய்வீர்கள். இடமாற்றம் நன்கு அமையும். அலைச்சல் வீண்போகாது. குடும்ப நலம் சீராக இருந்துவரும். பணவரவு அதிகமாகும். புதிய பொருட்சேர்க்கை நிகழும்.

பொதுநலப் பணியாளர்கள் புகழ் பெறுவார்கள். உத்தியோகஸ்தர்களுக்கும் தொழிலாளர்களுக்கும் முன்னேற்றமான சூழ்நிலை நிலவிவரும். தகவல் தொடர்பு துறை லாபம் தரும். தொலைதூரத் தொடர்பு பயன்படும். கலைத் துறையினருக்கு வெற்றிகள் குவியும். பெண்களின் எண்ணம் ஈடேறும். தெய்வப் பிரார்த்தனைகள் நிறைவேறும். மகான்கள், ஞானிகளின் ஆசி கிடைக்கும். நிலபுலங்கள் சேரும்.

அதிர்ஷ்டமான தேதிகள்: மே 1, 3, 6.

திசைகள்: மேற்கு, வடகிழக்கு, தென்கிழக்கு, வடக்கு.

நிறங்கள்: வெண்மை, நீலம், பச்சை, பொன் நிறம்.

எண்கள்: 3, 5, 6, 8.

பரிகாரம்: சூரியன், செவ்வாய், ராகு, கேதுவுக்கு பிரீதி, பரிகாரங்களைத் செய்வது நல்லது. துர்கை, விநாயகருக்கு நெய்தீபம் ஏற்றி வழிபடவும்.