வார ராசி பலன் 10-09-2015 முதல் 16-09-2015 வரை (மேஷம் முதல் கன்னி வரை)

மேஷ ராசி வாசகர்களே!

உங்கள் ராசிக்கு 4-ல் சுக்கிரனும் 5-ல் சூரியனும் குருவும் 6-ல் புதனும் ராகுவும் உலவுவதால் புதிய பொருட்களும் சொத்துக்களும் சேரும். நண்பர்கள் ஆதரவாக இருப்பார்கள். உறவினர்களது சந்திப்பு நிகழும். சுகானுபவம் கூடும். மனமகிழ்ச்சி அதிகரிக்கும். மகப்பேறு பாக்கியம் சிலருக்கு இப்போது கிட்டும். மக்களால் அனுகூலம் உண்டாகும். ஸ்பெகுலேஷன், கொடுக்கல்-வாங்கல் இனங்கள் லாபம் தரும். அறிவாற்றல் பளிச்சிடும். மாணவர்களது திறமை வெளிப்படும். மாதர்களது எண்ணம் ஈடேறும். அயல்நாட்டுத் தொடர்புடன் செய்யும் தொழில் விருத்தி அடையும். புதியவர்களது தொடர்பால் நலம் பல பெறுவீர்கள். பயணம் பயன்படும். எதிரிகள் அடங்கிப் போவார்கள். உத்தியோகஸ்தர்களது நிலை உயரும்.

அதிர்ஷ்டமான தேதிகள்: செப்டம்பர் 12, 15, 16.

திசைகள்: வடகிழக்கு, தென்மேற்கு, தென்கிழக்கு, கிழக்கு.

நிறங்கள்: புகை நிறம், பொன்நிறம், இளநீலம், வெண்மை, ஆரஞ்சு.

எண்கள்: 1, 2, 3, 4, 5, 6. ‎

பரிகாரம்: திருமுருகனையும், ஆஞ்சநேயரையும் தொடர்ந்து வழிபடவும். மாற்றுத்திறனாளிகளுக்கு உதவுவது நல்லது.

ரிஷப ராசி வாசகர்களே!

உங்கள் ராசிக்கு 3-ல் செவ்வாயும் சுக்கிரனும், 11-ல் கேதுவும் உலவுவது சிறப்பாகும். சூரியன் புதன், குரு ஆகியோராலும் ஓரிரு நன்மைகள் உண்டாகும். முன்னேற்றத்துக்கான தகவல் வந்து சேரும். மன உறுதி கூடும். எதிரிகள் அடங்குவார்கள். முக்கியஸ்தர்களது நட்பு கிடைக்கும். நிலம், மனை, வீடு, வாகனம் சேரும்.

சொத்துக்கள் மூலம் ஆதாயமும் கிடைக்கும். மக்கள் நலம் கவனிப்பின் பேரில் சீராகும். உடன்பிறந்தவர்கள் உங்களுக்கு உதவுவார்கள். கடல் வாணிபம் லாபம் தரும். உயர்பதவி, பட்டங்கள் தேடிவரும். அரசியல்வாதிகளுக்கு மதிப்பு உயரும். அலைச்சலும் உழைப்பும் சற்று அதிகரிக்கவே செய்யும். பயனும் கிடைக்கும். மக்கள் நலனுக்காக சுபச்செலவுகள் உண்டாகும். விளையாட்டுகளிலும் வெற்றி கிடைக்கும்.

அதிர்ஷ்டமான தேதிகள்: செப்டம்பர் 12, 15, 16.

திசைகள்: வடமேற்கு, தென்கிழக்கு, வடக்கு, மேற்கு, கிழக்கு.

நிறங்கள்: மெரூன், வெண்மை, நீலம், ஆரஞ்சு, பச்சை.

எண்கள்:

1, 5, 6, 7. 9.

பரிகாரம்:

துர்க்கைக்கோ காளிக்கோ நெய்தீபம் ஏற்றி வழிபடவும். ராகு காலத்தில் துர்க்கையைப் பூஜிக்கவும்.

மிதுன ராசி வாசகர்களே!

உங்கள் ராசிக்கு 2-ல் சுக்கிரனும் 3-ல் சூரியனும் 4-ல் புதனும் 6-ல் சனியும் 10-ல் கேதுவும் உலவுவதால் குடும்பத்தில் நற்காரியங்கள் நிகழும். விருந்து, உபசாரங்களில் கலந்துகொண்டு மனம் மகிழ்வீர்கள். அரசியல் ஈடுபாடு ஆக்கம் தரும். மருத்துவர்களுக்கு வளர்ச்சி உண்டு. கணிதம், எழுத்து, பத்திரிகை, சிற்பம்,ஓவியம், தரகு, கமிஷன் துறைகளைச் சேர்ந்தவர்களுக்குச் செழிப்புக் கூடும். மாணவர்களது திறமை பளிச்சிடும். ஜோதிடம், அறநிலையப் பணிகளைச் சேர்ந்தவர்கள் முன்னேற்றமான பாதையைக் காண்பார்கள். கலைத் துறையினர் வெற்றியடைவர். விவசாயிகளுக்கும் பொதுநலப் பணியாளர்களுக்கும் அனுகூலமான போக்கு தென்படும். தொலைதூரத் தகவல் உற்சாகம் தரும்.

அதிர்ஷ்டமான தேதிகள் : செப்டம்பர் 12, 15, 16.

திசைகள்: கிழக்கு, தென்கிழக்கு, வடக்கு, வடமேற்கு, மேற்கு.

நிறங்கள்: ஆரஞ்சு, பச்சை, நீலம், மெரூன்.

எண்கள்: 1, 5, 6, 7, 8.

பரிகாரம்: குருவுக்கும் தட்சிணாமூர்த்திக்கும், துர்க்கைக்கும் அர்ச்சனை செய்யவும்.

கடக ராசி வாசகர்களே!

உங்கள் ராசியில் சுக்கிரனும் 2-ல் சூரியனும் குருவும் 3-ல் ராகுவும் உலவுவது சிறப்பாகும். தோற்றப்பொலிவு கூடும். புதிய ஆடை, அணிமணிகள், அலங்காரப் பொருட்களின் . சேர்க்கை உண்டாகும். குடும்பத்தில் சுப காரியங்கள் நிகழும். விருந்து, உபசாரங்களில் ஈடுபாடு கூடும். பேச்சில் திறமை வெளிப்படும். அரசு மூலம் எதிர்பார்த்திருந்த காரியங்கள் இப்போது நிறைவேறும். ஆசிரியர்கள், பேராசிரியர்கள், சட்ட வல்லுனர்கள், மருத்துவர்கள் ஆகியோருக்கெல்லாம் சுபிட்சம் கூடும். பொருளாதார நிலை திருப்திகரமாக இருந்துவரும். திடீர் பொருள்வரவுக்கும் இடமுண்டு. பயணத்தால் அனுகூலம் உண்டாகும். உடன்பிறந்தவர்கள் உதவுவார்கள். தெய்வப் பணிகள் நிறைவேறும். மக்களாலும் தந்தையாலும் சிறுசிறு சங்கடங்கள் ஏற்பட்டு குருபலத்தால் விலகும்.

அதிர்ஷ்டமான தேதிகள்: செப்டம்பர் 12, 15, 16.

திசைகள்: வடகிழக்கு, தென்மேற்கு, தென்கிழக்கு.

நிறங்கள்: புகை நிறம், இளநீலம், பொன் நிறம்.

எண்கள்: 1, 3, 4, 6.

பரிகாரம்:

முருகனை வழிபடவும். சனிக்கு நல்லெண்ணெய் தீபமேற்றி வழிபடவும்.

சிம்ம ராசி வாசகர்களே!

உங்கள் ஜன்ம ராசியில் சூரியன் பலம் பெற்றிருக்கிறார். 2-ல் புதன் உலவுவதும் சிறப்பாகும். 12-ல் உள்ள சுக்கிரனும் நலம் புரிவார். சுபச்செலவுகள் சற்று அதிகரிக்கும். மதிப்பும் அந்தஸ்தும் உயரும். கம்பீரமாக நடைபோடுவீர்கள். கணிதம், எழுத்து, பத்திரிகை, தரகு துறைகளைச் சேர்ந்தவர்கள் வளர்ச்சி காண்பார்கள். குடும்பத்தில் சலசலப்புக்கள் சற்று குறையும். மக்கள் நலம் சீராகும். வாழ்க்கைத்துணைவரால் நலம் உண்டாகும்.

தந்தையால் அனுகூலம் உண்டாகும். 4-ல் சனியும், 8-ல் கேதுவும் 12-ல் செவ்வாயும் இருப்பதால் தாய் நலம் பாதிக்கும். அலைச்சலும் உழைப்பம் அதிகமாகும். உடன்பிறந்தவர்களால் செலவுகள் ஏற்படும். இடமாற்றமும் உண்டு. நிலம், மனை, வீடு போன்ற சொத்துக்களை வாங்கும்போதும் விற்கும்போதும் எச்சரிக்கை தேவை. வாரப் பின்பகுதியில் பண வரவு சற்று அதிகமாகும்.

அதிர்ஷ்டமான தேதிகள்: செப்டம்பர் 12, 15, 16.

திசைகள்: தென்கிழக்கு, வடக்கு, கிழக்கு.

நிறங்கள்: பச்சை, வான்நீலம், ஆரஞ்சு.

எண்கள்: 1, 5, 6.

பரிகாரம்:

செவ்வாய், சனி, ராகு, கேது ஆகியோருக்கு அர்ச்சனை செய்யவும்.

கன்னி ராசி வாசகர்களே!

உங்கள் ராசியாதிபதி புதன் ராசியிலேயே பலம் பெற்று இருக்கிறார். சனி 3-ல் உலவுவது விசேடமாகும். 11-ல் செவ்வாயும் சுக்கிரனும் சாதகமாக உலவுகிறார்கள். முக்கியமான எண்ணங்கள் இப்போது நிறைவேறும். மனமகிழ்ச்சி அதிகரிக்கும். ஒன்றுக்கு மேற்பட்ட இனங்களால் ஆதாயம் கிடைக்கும். கடல் வாணிபம் லாபம் தரும். வியாபாரிகளுக்குச் செழிப்பான சூழ்நிலை நிலவிவரும். எழுத்தாளர்கள், பத்திரிகையாளர்கள் வளர்ச்சி காண்பார்கள்.

சுபச்செலவுகள் அதிகரிக்கும். இடமாற்றம் உண்டாகும். அரசு விவகாரங்களில் விழிப்புடன் ஈடுபடுவது நல்லது. தந்தை நலனில் அக்கறை தேவைப்படும். தொழிலில் முன்னேற்றம் காண நல்ல வாய்ப்புகள் கூடிவரும். தொழிலாளர்களது கோரிக்கைகள் நிறைவேறும். விவசாயம் லாபம் தரும். கலைத் துறையினருக்கு வெற்றி வாய்ப்புக்கள் அதிகரிக்கும். உடன்பிறந்தவர்களால் நலம் உண்டாகும்.

அதிர்ஷ்டமான தேதிகள்: செப்டம்பர் 15, 16.

திசைகள்: தெற்கு, தென்கிழக்கு, வடக்கு, மேற்கு.

நிறங்கள்: சிவப்பு, வெண்மை, நீலம், பச்சை.

எண்கள்: 5, 6, 8, 9.

பரிகாரம்: நாகரை வழிபடவும்.